Sərayəl-Qüds komandirlərindən biri Cənində şəhid oldu + FOTO və VİDEO
“İslam Dünyası Xəbərləri” informasiya agentliyi xəbər verir ki, İslami Cihad hərəkatının hərbi qolunun komandirlərindən birinin Cənində sionist rejimi tərəfindən şəhid edilməsindən sonra Fələstin müqavimət dəstələri işğal olunmuş ərazilərə doğru 3 raket atıb.
Noyabrın 3-də İslami Cihad hərəkatının Cənindəki hərbi qolu olan Sərayəl-Qüds komandirlərindən Faruq Cəmil Həsən Səlamə sionist rejim hərbçiləri ilə toqquşma zamanı yaralanıb və xəstəxanaya aparıldıqdan sonra şəhid olub.
Səlamənin şəhadətindən sonra Fələstin müqavimət dəstələri işğal olunmuş ərazilərə doğru 3 raket atıb, bundan sonra “Dəmir Qübbə” müdafiə sistemi işə düşüb və həyəcan təbili çalıb. İsrail mənbələri bu hərəkətin Faruq Səlamənin şəhadətinə cavab olaraq Sərayəl-Qüds tərəfindən edildiyini iddia edib.
Bu gün noyabrın 4-də səhər saatlarında Fələstin müqavimətinin işğal olunmuş ərazilərə raket hücumuna cavab olaraq, İsrail rejimi qırıcıları Qəzzanın şimal, cənub və mərkəzindəki bölgələri hədəfə alıblar. Bu hücumlardan sonra Qəzza zolağının mərkəzində yerləşən Əl-Məğazi düşərgəsinin böyük bir hissəsində elektrik enerjisi kəsilib.
Rəy