Hərbi Məlumat: Arəş-2 Kamikadze Dronu; Dünyanın ən uzun mənzilli dronu!

Bazar 30 Oktyabr 2022 - 20:11
https://az.iswnews.com/?p=14761

Arəş-2 dronu İran İslam Respublikası Ordusu tərəfindən mühüm düşmən hədəflərini, o cümlədən radar, qayıqlar, gəmilər və sabit hərbi hədəfləri məhv etmək üçün dizayn və kütləvi istehsal edilmiş kamikadze dronudur. Arəş-2-nin 2000 km-lik mənzili, döyüş başlığının yüksək çəkisi bu dronu düşmənin mühüm hədəflərinə qarşı effektiv silaha çevirib.

2000 km mənzilli “Arəş-2” kamikadze dronu dünyanın ən uzun mənzilli kamikadze dronu hesab olunur. Döyüş meydanında yaxınlıqdakı hədəflərə hücum etmək üçün nəzərdə tutulmuş 150 km mənzilli Arəş-1 adlı bu dronun daha kiçik bir nümunəsi var. Əslində, “Arəş-2” kamikadze dronu “Arəş-1”in təkmilləşdirilmiş və inkişafetdirilmiş versiyasıdır.

“Arəş-2” dronu ilk dəfə 7 yanvar 2021-ci ildə İran Ordusunun dron təlimində istifadəyə verilib. Bu təlimdə bu dron İranın cənubundakı Məkran sahillərindən buraxılıb və təxminən 1400 km məsafə qət etdikdən sonra İranın mərkəzindəki Semnan əyalətində təlimin ümumi ərazisində hədəfini vurub.

“Arəş-2” Kian-2 dronu ilə eynidir və üçbucaqlı qanadlara malikdir. Bu iki dron arasındakı əsas fərq onların mühərrikidir. Kian reaktiv mühərrikdən, Arəş isə porşenli mühərrikdən istifadə edir. Bu mühərrik fərqi də onların mənzillərinə böyük təsir göstərmişdir.

Reaktiv mühərrikli Kian-2 dronu

İndiyədək “Arəş-2”, iki növ buraxılış qurğusu ilə təlimlərdə istifadə edilib. Biri Kərrar kimi asanlıqla əldə edilə bilən Jeto buraxılış qurğusudur, digəri isə yük maşınının arxasına quraşdırıla bilən Qutu buraxılış qurğusudur. Qutu buraxılış qurğuları bu dronun müəyyən edilməsini çətinləşdirir və onun daşıyıcısının yüksək hərəkət qabiliyyəti ilə yanaşı, sağ qalma qabiliyyətini də artırır.

Arəş-2 dronu qutu buraxılış qurğusunda (sağda) və Jeto buraxılış qurğusunda (solda)

Arash-2 İHA 1401-ci ilin iyulunda ordunun dron donanmasında görüldü. Odur ki, Araş üçün gəmi əleyhinə istifadə etmək, həm də dənizdən sahilə hücum etmək bacarığı hesab edilə bilər.

Bu ilin iyul ayında İranın Ordu Nailiyyətləri Sərgisində bu drona əlavə imkanlar verən infraqırmızı və elektro-optik idarə edici sistem ilə təchiz edilmiş “Arəş-2” kamikadze dronu müşahidə edildi. İnfraqırmızı və elektro-optik idarə edici sistem Arəş-2 dronuna müxtəlif hədəfləri yüksək dəqiqliklə məhv etmə qabiliyyətini verir. Buna görə də, bu dron, sabit hədəflərlə yanaşı, hərəkət edən hədəfləri və ya düşmən bölgəsində dəqiq vurulması lazım olan hədəfləri vura bilmək qabiliyyətinə malikdir.

Arəş-2 kamikadze dronu termal və elektro-optik idarə edici sistemi ilə təchiz edilib

Dərc edilmiş fotoşəkillərə və İranın Ordu Nailiyyətləri Sərgisində qeyd olunan məlumatlara əsasən, “Arəş-2” dronunun mühərriki 50 at gücünə malik MD 550 və ya MDSO-4-520 tempest tiplidir. Buna görə də mühərrikin növünə görə bu dronun maksimal sürəti 185 km/saat olacaq.

Arəş-2 kamikadze dronunun texniki xüsusiyyətləri:
Uzunluğu: ~ 4,5 Metr
Qanad Uzunluğu: ~ 4 Metr
Uçuş Tavanı: 3657 Metr (12 min fut)
Mühərriki: 50 At Gücünə Malik Piston MD550 Və Ya MDSO-4-520 Tempest
Maksimum Sürəti: 185 Km/Saat
Mənzili: 2000 Km
Çəkisi: ~ 200 Kq
İstehsal: İran

Tam ölçüdə baxmaq üçün klikləyin

Arəş-2 kamikadze dronunun daha çox şəkilləri:

Arəş-2 kamikadze dronunun ingilis, rus, çin, ivrit, ərəb, fars və kürd dillərində posterləri:

Paylaş:
Rəy

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

ISWnews-də Reklam