İranın Zahidan şəhərində iki SEPAH üzvü qətlə yetirildi + FOTO
“İslam Dünyası Xəbərləri” informasiya agentliyi xəbər verir ki, İranın Sistan və Bəlucistan əyalətinin Zahidan şəhərində naməlum silahlı şəxslər İslam İnqilabı Keşikçiləri Korpusunun Salman Korpusunda fəaliyyət göstərən iki əməkdaşını, polkovnik Mehdi Mollaşahi və Cavad Kixanı bu şəhərin Sosial Müdafiə meydanında qətlə yetiriblər.
Qüds qərargahının açıqlamalarına görə, bu iki şəxs işdə işlərini bitirdikdən sonra evə gedərkən naməlum avtomobilin silahlı hücumuna məruz qalaraq şəhid ediliblər. Bu qərargah həmçinin elan edib ki, cinayəti törədən və ya edənlərin müəyyən edilməsi üçün lazımi tədbirlər davam etdirilir.
Hələlik heç bir qrup və ya şəxs bu terror aktına görə məsuliyyəti öz üzərinə götürməyib, lakin terrorçu və separatçı qrupların, məsələn, “Ceyş Əl-Ədl” və s. kimi tanınan qrupların son təhdidlərini nəzərə alsaq, bu hücumun da onlar tərəfindən həyata keçirildiyini ehtimal etmək olar.
Rəy