Ukraynada baş verən son hadisələr, 24 Oktyabr 2022

1- Oktyabrın 22-də səhər saatlarında Rusiya ordusu bir neçə qanadlı raketlə Odessa, Kiyev, Xmelnitski, Lutsk və Rivne şəhərlərində Ukraynanın enerji obyektlərinə hücum etdi.

2- Oktyabrın 22-də axşam saatlarında Rusiya ordusu bir neçə qanadlı raket və “Şahid-136” və “Şahid-131” (Şahid-136-nın kiçik nümunəsi) kamikadze dronları ilə Dnepropetrovsk, Zaporojye, Xerson və Nikolayev vilayətlərində Ukrayna qüvvələrinin mövqelərinə hücum etdi.

3- Rusiya ordusuna məxsus “Su-30” qırıcı təyyarəsi Rusiyanın cənubunda yerləşən İrkutsk səmasında texniki nasazlıq səbəbindən qəzaya uğrayıb. Hadisə zamanı iki pilot həlak olub, bir yaşayış evi yanıb.

4- Oktyabrın 22-də səhər saatlarında Ukrayna ordusunun Şebkino şəhərinə artilleriya hücumları nəticəsində bir neçə ticarət mərkəzi və digər binalar dağıdılıb, 2 dinc sakin həlak olub, 13 nəfər yaralanıb.

5- Almaniya kansleri Olaf Şoltz yaxın günlərdə Ukraynaya üç IRIS-T müdafiə sistemi göndəriləcəyini açıqladı.

6- Luqansk:
Rusiya KİV-ləri Ukrayna silahlı qüvvələrinin Luqansk vilayətində Kermina cəbhəsinə genişmiqyaslı hücum hazırlamaq üçün hərbi təchizat və zirehli texnikanı köçürməyə çalışdığını bildirib. Bu baxımdan Ukrayna ordusunun ümumi hücumları Terni və Yampoliuk ərazilərinə yönəlib.
Oktyabrın 24-də Ukrayna ordusu Rusiya ordusunun Robijnıe və Osvatov şəhərlərindəki mövqelərinə HİMARS raket kompleksləri ilə hücum edib.

7- Xerson:
Yerli rəsmilərin açıqlamalarına görə, Rusiya ordusu Ukrayna ordusunun İnqolets çayı sahillərində yerləşən Bruskinske, Kostroma və Kaliniuske bölgələrinə hücumunu dəf edib.

8- Donetsk:
Ukrayna mediaları Baxmut qəsəbəsinin qərb kənarında yerləşən asfalt zavodunun şəklini dərc etməklə rusları bu qəsəbədən qovduqlarını iddia ediblər. Ötən aylarda Rusiyanın Severodonetsk və Lısiçanskın cənub cəbhəsində irəliləməsindən sonra bu fabrikdə münaqişə iki aydır davam edir və Ukrayna ordusu 48 saatlıq şiddətli döyüşlərdən sonra dünən onu geri ala bilib.