Nablusda Ərinul-Usud müqavimət dəstəsinin görkəmli komandirlərdən biri şəhid edildi + FOTO
“İslam Dünyası Xəbərləri” informasiya agentliyi xəbər verir ki, “Ərinul-Usud” müqavimət dəstəsinin komandirlərindən biri Nablus şəhərində İsrail rejiminin muzdluları tərəfindən şəhid edilib.
Bu gün 23 oktyabr tarixində Ərinul-Usud müqavimət dəstəsi Nablusun köhnə hissəsində “Tamer Kilani” adlı komandirlərindən birinin şəhadətini elan edib.
Bu dəstənin veridiyi məlumata əsasən, İsrail muzdluları Kilani Nablusun köhnə hissəsindən keçərkən bomba ilə təchiz olunmuş motosikleti partladıblar.
Bu fələstinli döyüşçünün Nablus şəhərində şəhid olmasından sonra ümumi matəm elan edilib. Ərinul-Usud dəstəsi bu cinayətə cavab olaraq İsrail işğalçılarına sərt zərbələr endirəcəyini vəd edib.
Qeyd edək ki, Ərinul-Usud Nablus şəhərində İsrail rejiminə qarşı döyüşmək məqsədi ilə yaradılmış fələstinli müqavimət dəstəsidir. Ardıcıl əməliyyatları ilə bu dəstə hər kəsin diqqətini çəkib və xalq arasında görünməmiş dəstəyə malikdir. Təzə təsis olunmuş Ərinul-Usudun müqavimət dəstəsindən çox məlumat yoxdur.
Daha çox oxuyun: “Ərinul-Usud” Fələstin müqavimət ədəbiyyatında yeni, lakin səs-küylü dəstə
Rəy