Ənsarullah dronları Yəmənin Həzərmut sahilindəki Əd-Dəbbə limanına hücum edib + FOTO

Cümə 21 Oktyabr 2022 - 20:44
https://az.iswnews.com/?p=14406

“İslam Dünyası Xəbərləri” informasiya agentliyi xəbər verir ki, Ənsarullah iki kamikadze dronundan istifadə edərək Əl-Rayyan yaxınlığındakı Əd-Dəbbə limanından və Həzərmut əyalətinin sahilindən xarici neft daşıyan gəmini uzaqlaşdırıb.

Şübhəsiz ki, Ənsarullahın bu dron hücumu Yəmənin işğal olunmuş ərazilərindəki xarici şirkətlərə və neft alıcılarına xəbərdarlıqdır və məsələyə iki aspektdən baxmaq olar:
1- Həzərmut və Şəbvə vilayətlərinin neft ehtiyatlarını talamaq üçün bu əraziyə göndərilmiş İsraillilərin sahilyanı Əl-Rayyan şəhərində yerləşməsi ilə bağlı xəbərdarlıqdır. (Daha ətraflı)
2- Nissos Kea gəmisi ilə Yəmən neftinin nəqlinin qarşısının alınması xarici gəmi və şirkətlərə xəbərdarlıqdır.

Yəmənin istefa vermiş hökumətindəki Həzərmut valisi Məbxut Mubarək bin Mazinin açıqlamalarına görə, bu gəmi Yunanıstandakı bir şirkətə məxsusdur və ilk dron partlayışı gəmi ilə başqa bir qayıq arasında, ikinci partlayış isə gəmi yaxınlığında baş verib. Həmçinin, gəminin heyəti bu partlayışlar nəticəsində tələfat və dağıntılar barədə məlumat verməyib.

Bu barədə Yəmən silahlı qüvvələrinin briqada generalı Yəhya Səri bəyanat verib. Bəyanatın mətni belədir:
“Biz Həzərmut əyalətindəki Əd-Dəbbə limanından bir gəmi vasitəsi ilə xam neftin talanmasının qarşısını almaq üçün sadə xəbərdarlıq etdik. Bu gəmi Yəmən səlahiyyətlilərinin neft hasilatının nəqli və ixracını qadağan edən qərarı pozdu və Yəmənin neft sərvətlərinin davamlı talan edilməsinin və xalqa verilməməsinin qarşısını almaq üçün xəbərdarlıq etdik.

Bu xəbərdarlıq mesajı rəsmi orqanların gəminin ekipajını xəbərdar etdikdən və Yəmənin mövcud qanunlarına və beynəlxalq qanunlara əsaslanaraq bu qərar barədə məlumat verdikdən sonra edilib. Gəmi ilə ehtiyatla davranıldı və biz onun təhlükəsizliyini və Yəmən infrastrukturunun təhlükəsizliyini qorumaq istədik.

Yəmən xalqının sərvətini talamaq niyyətində olan hər hansı bir gəmini dayandırmaq və qarşısını almaq üçün üzərimizə düşən vəzifəni yerinə yetirməkdən çəkinməyəcəyik və Allahın köməyi ilə böyük xalqımızı müdafiə etmək və onun sərvətlərini talanlardan qorumaq üçün daha çox əməliyyat və xəbərdarlıqlar edə bilərik. Biz bir daha bütün şirkətlərə xəbərdarlıq edirik ki, Sənaa hökumət orqanlarının qərarlarına tam əməl etsinlər və Yəmənin sərvətlərinin talanmasında iştirakdan çəkinsinlər”.

Əd-Dəbbə limanının onlayn xəritədə yeri

Paylaş:
Rəy

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

ISWnews-də Reklam