Dindarlar üçün ötən çətin həftə və şirin gün

Bazar 9 Oktyabr 2022 - 15:11
https://az.iswnews.com/?p=13902

Keçən həftə Azərbaycan Respublikası xalqı çətin günlər keçirdi və bu ölkədə dini təlimlər ciddi şəkildə təhdid edildi; Amma İslami hicabın müdafiəçisi olan Ruhaninin azadlığa buraxılması xəbəri bu ölkədəki İslam tərəfdarlarına yeni həyat verdi.

Abgül Süleymanovun 11 ildən sonra azadlığa buraxılması

“Hacı Abgül” kimi tanınan Höccətül-İslam Vəl-Müslimin Abgül Süleymanov 11 il həbsdən sonra oktyabrın biri şənbə günü 10 saylı cəzaçəkmə müəssisəsindən azad edildi.
Bu şiə din xadimi bu ölkənin ictimai yerlərdə qadınların İslami hicabını qadağan edən qanuna qarşı çıxmaq üçün ictimai toplantılar təşkil etdiyi üçün milli təhlükəsizliyə zidd hərəkət etməkdə ittiham edilib və mütəşəkkil cinayətlər məhkəməsində 12 il müddətinə azadlıqdan məhrum edilmişdir.
Bu siyasi məhbus əslən İsmayıllı rayonunun Lahıc kəndindəndir, 2011-ci il avqustun 11-də həmin kənddə həbs edilmişdir. Həbsdə olduğu müddətdə şəkər xəstəliyinə yoluxub.

Dindarların aradan qaldırılması

İslam Partiyasının üzvü Səbuhi Səlimov öz həyətində İsrail bayrağını yandırdıqdan sonra vətənə xəyanətdə ittiham olunaraq həbs edilib və mühakimə olunub!

“Azadlıq” radiosunun məlumatına görə, İslam Partiyasının üzvü məhkəmədə aşağıdakı ittihamlarla müttəhəm olunub:
1- Gizli təşkilatların əməkdaşları, o cümlədən bu gizli təşkilatın agenti Vəli Cəbbari adlı şəxslə görüşmək üçün İrana səfər etmək
2- Pul və səfər xərclərinin onlardan alınması
3- İsrailin Bakıdakı səfirliyi qarşısında iğtişaşlar və nümayişlər keçirmək əmrinin alınması
4- Öz həyətində İsrail bayrağını yandırması
5- Yanmış bayraq şəkillərinin İrana göndərilməsi

Onun kürəkəni Məhəmməd Rza Məhəmməd Rzayev də bir fleş kartda İsrail bayrağının yandırılmasının görüntülərini İrana göndərməkdə ittiham olunub.

Bakı dindarlarının müqavimət simvolunun vəhabilərə verilməsi

Azərbaycan Respublikası hökuməti Bakının Yeni Günəşli məntəqəsindəki Xanım Fatimeyi Zəhra (s.ə) məscidini vəhhabilərə təhvil verib. Bu məscid binasının tikilməsinin qarşısının alınması üçün son on ildə bir neçə dəfə mitinqlər keçirmiş paytaxt dindarlarının anti-din və anti-şiə siyasətinə qarşı mübarizəsinin simvolu hesab olunur.

Azərbaycan Respublikasının təhlükəsizlik qüvvələri və Dini Qurumlarla İş üzrə Dövlət Komitəsi bu məscidə basqın edərək məscidin axundu Hacı Surxay və məscid şurasının icraçı direktoru Hacı İlqarı vəzifədən uzaqlaşdırıb.

Yerli məlumatlı mənbələrdən əldə etdiyimiz məlumata görə, Dini Qurumlarla İş üzrə Dövlət Komitəsi tərəfindən Həzrəti Fatimeyi Zəhra (s.ə) məscidinə axund və onun müavini kimi təyin edilən naməlum şəxslər vəhhabi və nurçuluq etiqadlarına malikdirlər.

Həzrət Fatimeyi Zəhra (s.ə) məscidi 22 il əvvəldən bəri həm adına və həm böyük dini toplantılara görə, xüsusilə Məhərrəm və Səfər aylarında həmişə təhdidlərə məruz qalırdı.

Əvvəllər, 2010-cu ildə Əliyev hökuməti bir neçə dəfə yeni şəhərsalma bəhanəsi ilə köhnə binanı sökməyə cəhd etsə də, şiələrin müqaviməti ilə üzləşdi. Daha sonra məscidə maddi yardım bəhanəsi ilə bu məscidi din xadimlərinin və ictimai qəyyumlar şurasının idarəçiliyindən uzaqlaşdırıb, laik və sekulyar ünsürlərin ixtiyarına verməyə çalışdılar. Məqsəd bu məsciddə olan böyük dini toplantıların qarşısını almaq idi ki, səmərəsiz qaldı.
2019-cu ildə məscidin təmiri bəhanəsi ilə hökumət məscid şurası və dindarları Qafqaz Müsəlmanları İdarəsinin müşayiəti ilə məscidin dağıdılmasına müqavimət göstərməmək şərti ilə irəli sürdü. Prezident İlham Əliyev, xanımı Mehraban Əliyeva, Birinci vitse-prezident, Qafqaz Müsəlmanları İdarəsinin rəisi Allahşükür Paşazadə məscidin fərqli formada və abadlaşdırılan yeni binasının açılışında televiziya şousunda iştirak etdilər.
Nəhayət, Azərbaycanda “Dini etiqad azadlığı haqqında” qanunun dəyişdirilməsi ilə məscidlərin imamlarını təyin etmək səlahiyyətini Dini Qurumlarla İş Komitəsi öz üzərinə götürüb, Məscid Şurası və ruhanilər işlərdən kənarlaşdırlıb.

Dini təqlidin qadağan edilməsi; Azərbaycan İslam modelinin daha bir addımı

Bir müddətdir ki, Azərbaycan İslam modeli yaradıcıları və Azərbaycanda media təbliğatı parlamentdə bir müddət sonra qanuna çevriləcək məsələləri üzə çıxarır. Bu qanunlar bir müddət sonra prezident tərəfindən imzalanır və icra olunmaq üçün Milli Təhlükəsizlik Şurasına və polisə çatdırılır. Dini məzhəblərdə təqlid məsələsi müsəlmanların ayrılmaz bir hissəsidir və bu məsələdə şiələr ön plandadır. Bu dəfə də bu dini məsələni hədəfə alıb, hazırlıq üçün zəmin yaradırlar.

Azərbaycan Respublikası Dövlət Təhlükəsizliyi Təşkilatının keçmiş məmuru və dövlət mediasının təhlükəsizlik üzrə eksperti Azadlıq radiosu ilə söhbətində deyib: “Bu ölkədən kənarda şiə mərcələrindən dini təqlid Azərbaycan üçün təhlükəlidir”. İlham İsmail vətəndaşlar üçün şiə mərcələrdən təqlidin qadağan edilməsini tələb edib.
İlham İsmail bu məsələni izah edərək deyib: “Azərbaycan Respublikasında dini qanunlar nizama salınmalıdır! Mərcələrdən təqlid qadağan olunmalıdır!! Bizdə Qafqaz Müsəlmanları İdarəsi var. Bu idarənin rəhbəri Qafqazın Şeyxidir. Əgər kimsəyə beyət etmək lazımdırsa, gərək şeyxlə beyət olunsun! Lakin şeyxin özü başqa bir şəxsə təqlid edərsə, bütün bunlar qadağan edilməlidir. Azərbaycan Respublikası müstəqillik əldə etdikdən sonra İran Azərbaycan Respublikasında gedən proseslərə bəzən açıq, bəzən də dolayı yolla təsir göstərməyə çalışır”.
Dini məsələlər üzrə ekspert Fərid Bağırlı Azərbaycan vətəndaşlarının İran və İraqın şiə mərcəye təqildlərinə təqlid etməsinə münasibət bildirib: “Bu məsələ təkcə Azərbaycan Respublikasında dini maarifləndirmənin aşağı səviyyədə olması ilə bağlı deyil, həm də hökumətin dindən ayrı olması ilə bağlıdır. İrana, Türkiyəyə dini təhsil üçün göndərilən insanlar dini məktəbləri bitirməklə məhdudlaşmamalı idi. Bu məsələ təcrübədən də asılıdır və biz onları qayıdandan sonra müctəhid qəbul edənə qədər 10-15 il müfti və ya heç olmasa bir kəndin din xadimi işləməli idilər”.

Azərbaycan Respublikası Milli Məclisinin üzvü, İnsan Haqları Komissiyasının üzvü Zahid Oruc da “Azadlıq” radiosu ilə söhbətində bu ölkədə din və hökumətin ayrı olduğunu vurğulayıb.

Qafqaz Müsəlmanları İdarəsi bildirib: “Azərbaycan Respublikasında belə bir səlahiyyətə malik orqan yoxdur və bu sistem İranda formalaşıb və İranın mədəniyyət mərkəzi bu məsələdə rəy verə bilər”.

İranın Mədəniyyət mərkəzinin rəhbəri əvvəlcə Azadlıq radiosuna müsahibəyə razı olsa da, sonra müxbirdən İranın Bakıdakı səfirliyi ilə əlaqə saxlamağını istəyib.

İki gün Dini Qurumlarla İş üzrə Dövlət Komitəsi ilə əlaqə saxladıqdan sonra “Azadlıq” radiosu müsahibə ala bilməyib.

Bu agentliyin müxbiri bir sıra vətəndaşlardan müsahibə götürüb və onlar Ayətullah Seyid Əli Sistani və Ayətullah Seyid Əli Xameneini özlərinə mərcəye təqlid seçdiklərini bildiriblər.

İslam Dünyası Xəbərlərinin təhlilinə görə, bu ölkənin hökuməti 2011-ci ildə Azərbaycan İslam modelini ortaya qoyub və parlament və hökumətin təsdiq etdiyi qanunlar çərçivəsində bu ölkənin müsəlmanları ilə xüsusilə şiələr arasında münasibətləri məhdudlaşdırmaq istəyir. Bu layihənin öndəduranları şiə din xadimlərinin ənənəvi paltarlarını geyinməyən və özlərini müstəqil dindarlar tərəfindən istənildiklərini iddia etməkdə, ikiüzlülükdə, dinə zidd siyasətləri müşayiət etməkdə, var-dövlət toplamaqda və hökumətdən yardım almaqda ittiham olunan din xadimləridir.
“Azadlıq” radiosu dini məkanlarda iştirak üçün yaş məhdudiyyəti ilə bağlı qanun qəbul olunmazdan əvvəl də oxşar proseduru həyata keçirmişdi. Bir müddət sonra bu qanun layihəsi parlamentə getdi və son Məhərrəm ayında gərgin məsələyə çevrildi.

Paylaş:
Rəy

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

ISWnews-də Reklam