Yəməndə baş verən son hadisələr, 25 Sentyabr 2022

1- Əl-Hudəydə:
Səudiyyə koalisiya qüvvələri bu əyalətdə son 48 saat ərzində atəşkəs rejimini 166 dəfə pozublar.

2- Təiz:
Sentyabrın 22-də BƏƏ-nin hərbi və rabitə vasitələrini daşıyan nəqliyyat təyyarəsi Əl-Məxa hava limanına (Tariq Saleh qüvvələrinin nəzarəti altında olan) eniş edib.

3- Ləhic:
Təbən rayonunun Əl-Fiyuş bölgəsində Əl-Əmaliqə qüvvələrinin 1-ci briqadasında ikinci batalyon komandiri Əli Raşidi daşıyan avtomobilin yolunda bombanın partlaması nəticəsində Əl-Əmaliqə qüvvələrinin 3 üzvü yaralanıb.

4- Sokotra:
– Sentyabrın 22-də Səudiyyə Ərəbistanına məxsus yük gəmisi Sokotra adasının limanında yeni silah və müxtəlif hərbi texnika yükünü boşaldıb. Bu hərəkətlər Səudiyyə Ərəbistanı və BƏƏ-nin Sokotra adasını hərbiləşdirmək səylərinə uyğun olaraq həyata keçirilib.
– Yerli mənbələrin məlumatına görə, Səudiyyə ordusu Amerika və İsrail müşavirləri ilə birlikdə Sokotra hava limanını Cənub Keçid Şurasının nəzarətindən çıxararaq, nəzarəti ələ keçirib.

5- Ənsarullahın sözçüsü və Yəmənin Qurtuluş hökumətinin danışıqlarına məsul şəxs Məhəmməd Əbdül-Salamın 21 sentyabr inqilabının ildönümü münasibətilə Sənaada Yəmən ordusunun paradına reaksiyası: “Sənaadakı möhtəşəm hərbi paradda şahidi olduğumuz şey, düşmənin səkkiz il bundan öncə onun məhv edildiyini iddia etmişlərin bir hissəsi idi. O vaxt bizim inqilabımızı başa düşməkdə səhvə yol verənlər bir daha səhvini təkrarlamasınlar. Bu, bizə qarşı mübarizə aparan koalisiyaya mesajımız və tövsiyəmizdir”.