Yəməndə baş verən son hadisələr, 17 Sentyabr 2022

1- Sənaa:
Yəmənin Qurtuluş Hökumətinin Daxili İşlər Nazirliyinə tabe olan qüvvələrin parad mərasimi 20 minlik hərbi qüvvə və 1000 hərbi maşının iştirakı, həmçinin Yəmən İnqilabının lideri Seyid Əbdülməlik Bədruddin Əl-Husinin çıxışı və digər Yəmən dövlət rəsmilərinin iştirakı ilə keçirilib. Seyid Əl-Husi Şəhid Taha Həsən Əl-Mədaninin Daxili İşlər Nazirliyinin təşkilatçılığının təşkilindəki rolunu yüksək qiymətləndirərək, Səudiyyə koalisiyasının təkfirçilərdən istifadə edərək təhlükəsizlik hücumları və müxtəlif sui-qəsdlərinə işarə edərək, Daxili İşlər Nazirliyi və Yəmən təhlükəsizlik qüvvələrinin səylərini bu halların zərərsizləşdirilməsində əsas amil olduğunu bildirib.

2- Əl-Hudəydə:
Səudiyyə koalisiya qüvvələri bu əyalətdə son 48 saat ərzində atəşkəs rejimini 118 dəfə pozub.

3- Həzərmut:
Əl-Hibəl-Həzrəmiyyə (BƏƏ tərəfindən dəstəklənir) silahlıları Cənub Keçid Şurasından maliyyə, inzibati və hərbi müstəqillik tələb ediblər.

4- Sokotra:
Amerika hərbi məsləhətçiləri dəniz naviqasiya marşrutlarına nəzarət etmək və Sokotra adasının resurslarını istismar etmək üçün yeni kəşfiyyat otaqları yaratmaq məqsədi ilə dəniz yolu ilə Hadibu limanına daxil olublar.

5- İslah Partiyasının zəifləməsi və Əl-Qaidənin Yəmənin işğal olunmuş ərazilərindəki hərəkatları ilə eyni vaxtda 14 sentyabrda İŞİD terror qruplaşması Yəməndəki tərəfdarlarını bu gün Şəbvə və Əbyən əyalətlərində Səudiyyə koalisiyasının dəstəklədiyi silahlı qruplara hücum etməyə çağırıb.

6- Sentyabrın 16-da Ənsarullahın sözçüsü və Yəmən hökumətinin danışıqlara məsul şəxsi Məhəmməd Əbdül-Salam Livana səfəri zamanı Livan Hizbullahının baş katibi Seyid Həsən Nəsrullah ilə görüşüb. Bu görüşdə tərəflər Yəməndə atəşkəs danışıqları və regional hadisələri müzakirə edib və fikir mübadiləsi aparıblar.