Orta Asiyada baş verən son hadisələr, 13 Sentyabr 2022

Çərşənbə axşamı, 13 Sentyabr 2022 - 23:48
https://az.iswnews.com/?p=13142

“İslam Dünyası Xəbərləri” informasiya agentliyi xəbər verir ki, Qırğızıstan Prezidenti Sadır Japarov ölkə sərhədlərinin təhlükəsizliyini təmin etmək planına uyğun olaraq Milli Təhlükəsizlik Komitəsinin dron sərhəd bazasını açıb.

Əfqanıstan:
1- Pəncşir:

– Sentyabrın 6-da Taliban silahlıları Yuxarı və Aşağı Zamankur kəndini mühasirəyə alaraq bir neçə mülki şəxsi Əhməd Məsud qüvvələri ilə əməkdaşlıq ittihamı ilə həbs etdilər.
– Sentyabrın 10-da Xənəc rayonunun Şabe, Ənnabə rayonunun Fərac kəndi və Dəree rayonunda Taliban silahlıları ilə Əhməd Məsud qüvvələri arasında toqquşma olub.
– Sentyabrın 11-də Taliban silahlı qüvvələri Pəryanın Kucan, Kuhsar və Şaniz kəndlərinin sakinlərinin 50-dən çox ailəsini köçməyə məcbur ediblər.

2- Kapisa:
Sentyabrın 11-də Taliban silahlıları şiə tələbələrin namaz qılmaq üçün Mahmud Raqi şəhərində Əl-Biruni Universitetinin məscidinə daxil olmalarına mane olublar.

3- Bəğlan:
Sentyabrın 6-da Əhməd Məsud qüvvələri Nəhreyn şəhərinin hökumət binalarının birinə hücum etdilər.

4- Təxar:
– Sentyabrın 7-də Əhməd Məsud qüvvələri Dəşte-Qəle şəhərinin köhnə bazarında Pəncşir vilayətində Talibanın təhlükəsizlik rəhbərinin müavini “Qari Muaz” kimi tanınan “Moləvi Səfiullah”ı qətlə yetirdilər.
– Sentyabrın 9-da Əhməd Məsud qüvvələrinin Kələfqan rayonunda Taliban mövqelərinə hücumlarından sonra Taliban təhlükəsizlik qüvvələri Əhməd Məsud qüvvələri ilə əməkdaşlıq etmək ittihamı ilə 4 mülki şəxsi həbs edərək işgəncələrə məruz qoyublar.

5- Daykendi:
– Milli Azadlıq Cəbhəsi silahlılarının Sənqe-Təxt şəhərində Taliban mövqelərinə hücumu nəticəsində Talibanın birinci kamikadze batalyonunun komandiri Qari Təlhə Zermeti də daxil olmaqla bir sıra taliban silahlısı öldürülüb.
– Sentyabrın 9-da Taliban təhlükəsizlik qüvvələri Nili şəhərində Yaxşılıqlara Dəvət Və Pisliklərdən Çəkindirmə idarəsinin üç əməkdaşını İŞİD-lə əməkdaşlıq ittihamı ilə həbs ediblər.
– Sentyabrın 12-də Taliban silahlıları iki televiziya kanalının və dörd radio kanalının fəaliyyətini dayandıraraq bu mediaların bütün cihaz və avadanlıqlarını məhv etdilər.

6- Qəndəhar:
– Sentyabrın 6-da Qəndəhar səmasında B-52 bombardmançı təyyarəsi və 4 qırıcı təyyarənin patrul etdiyi görülüb.
– Sentyabrın 12-də Talibanın Yaxşılıqlara Dəvət Və Pisliklərdən Çəkindirmə idarəsinin silahlıları Qəndəhar şəhərində BMT-nin 4 qadın əməkdaşını həbs ediblər.

7- Faryab:
Sentyabrın 7-də Taliban silahlıları Şirin-Təqab şəhərinin Səyyad dağı kəndində Milli İslam Hərəkatı Partiyasının cəbhə komandirlərindən olan “Məhəmməd Cəlili” güllələyib.

8- Hərat:
– Sentyabrın 6-da Taliban silahlıları Pəncşir və Bəğlan cəbhəsinə göndərmək üçün Hərat vilayətinin mərkəzi və şəhərlərindəki dini məktəblərdən könüllülər yığmağa başladılar.
– Sentyabrın 10-da Hərat şəhərində yerləşən Rəngine məhəlləsində İŞİD əməliyyatçıları ilə Taliban silahlıları arasında baş verən qarşıdurma nəticəsində dörd İŞİD üzvü və bir Taliban üzvü öldürülüb, üç nəfər isə yaralanıb.

9- Kunduz:
Sentyabrın 6-da Taliban təhlükəsizlik qüvvələri “Əli Şir” və “Qari İbrahim” adlı iki İŞİD üzvünü İmam Sahib Məscidini partlatmaqda ittiham edərək həbs edib.

10- Paktiya:
– Sentyabrın 6-da Əhməd-Xeyl şəhərində yerləşən İskəndər-Xeyl kəndində minaatan partlaması nəticəsində 2 uşaq həlak olmuş, daha 2 uşaq yaralanmışdır.
– Sentyabrın 10-da Qordiz şəhərinin tələbə qızları toplaşaraq Taliban tərəfindən qız məktəblərinin bağlanmasına etiraz ediblər. Taliban bu etirazları işıqlandırdığı üçün dörd yerli jurnalisti həbs edib və onlara işgəncə verib.

11- Kabil:

– Əfqanıstanın ədliyyə nazirinin müavini “Abdulkərim Heydər” verdiyi açıqlamada Əfqanıstanın konstitusiyaya ehtiyacı olmadığını və bu ölkədə hələ də siyasi partiyaların fəaliyyətinin qadağan olunduğunu açıqlayıb.

– Sentyabrın 6-da Talibanın Həcc və Vəqf Nazirliyi Ərbəin yürüşündə əfqanıstanlı zəvvarların və şiələrin iştirakına qadağa qoyulduğunu elan etdi.

– Sentyabrın 6-da Taliban silahlıları bu qrupun tacik komandiri “Moləvi Nəcib Raqi”ni Kabil şəhərindəki ev dustaqlığından Qəndəhar şəhərinin mərkəzi həbsxanasına köçürüblər.

– Sentyabrın 10-da Əhməd Məsud qüvvələrinin Qarabağ rayonunun təhlükəsizlik komandanlığının binasına raket zərbəsi endirməsi nəticəsində iki Taliban silahlısı yaralanıb.

– Sentyabrın 10-da Taliban silahlıları əvvəlki hökumətdə Ərzəqan və Kabilin təhlükəsizlik komandiri olan “General Cümə Qol Hemməti” işgəncələrdən sonra güllələyiblər.

– Sentyabrın 10-da Kabil şəhərinin 13-cü rayonunda yerləşən Tank -Til və Pol-Xoşk məhəllələrində maqnit bombalarının partlaması nəticəsində on mülki şəxs yaralanıb.

– Sentyabrın 10-da Kabil şəhərinin beşinci rayonunda yerləşən Müdafiə Nazirliyinin Hərbi Universitetində “Black Hawk” tipli helikopterin qəzaya uğraması nəticəsində Taliban Hərbi Hava Qüvvələrinin iki pilotu və uçuş heyətindən biri həlak olub, daha beş nəfər yaralanıb.

– Sentyabrın 10-da Azadeqan Milli Cəbhəsi silahlılarının Musahi rayonunun Hac Mömin Qureyşi kəndində pusquya salması nəticəsində bir sıra taliban silahlıları, o cümlədən Taliban kəşfiyyatı komandiri “Moləvi Şəkur Barkezi” öldürüldü və bir neçə nəfər, o cümlədən Taliban təhlükəsizlik qüvvələri administrasiyanın direktor müavini “Moləvi Səəd İbrahim” yaralanıb.

General Cümə Qol Hemmət, əvvəlki hökumətdə Ərzəqan və Kabildə təhlükəsizlik komandiri idi
Kabil şəhərinin 13-cü rayonundakı partlayışdan

12- Nənqərhar:

Sentyabrın 7-də naməlum silahlı şəxslər Cəlalabad şəhərinin 9-cu rayonunda Talibanın Qırmızı Birliyinin cəbhə komandiri Moləvi Şəfiullah Moslehə sui-qəsd təşkil ediblər.

13- Bədəxşan:

– Sentyabrın 7-də Əhməd Məsud qüvvələrinin Şive şəhərində yerləşən Ərğəncxah kəndində keçirdiyi əməliyyat nəticəsində xeyli sayda Taliban silahlısı öldürülüb və yaralanıb.

– Sentyabrın 10-da Bədəxşan vilayətinin dağlıq ərazilərində Taliban silahlıları ilə 24 saat davam edən toqquşmadan sonra Əhməd Məsudun qüvvələri Şive məntəqəsini Taliban silahlılarından azad etməyə müvəffəq olublar.

Pakistan:
Sentyabrın 12-də Bəlucistan əyalətinin Avaran şəhərində yerləşən Uqar kəndində pakistanlı əsgərləri daşıyan avtomobilin yolunda bombanın partlaması nəticəsində 4 nəfər həlak olub.

Qırğızıstan:
Qırğızıstan prezidenti Sadır Japarov Milli Təhlükəsizlik Komitəsinin dron bazasının sərhəd təhlükəsizliyi planına uyğun olaraq Bayraktar TB2 dronların yerləşdirilməsi bazasını açıb. Qırğızıstan bu dronları bu yaxınlarda Türkiyədən alıb.

Özbəkistan:
Şanxay Əməkdaşlıq Təşkilatının sentyabrın 15 və 16-da Səmərqənddə keçiriləcək iclasında İranın bu təşkilata daxil olması haqqında saziş imzalanacaq.

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.