İraqdakı son hadisələr; Ayətullah Hairinin açıqlamasından Sədrin siyasətdən uzaqlaşmasına qədər! + FOTO və VİDEO

Çərşənbə axşamı, 30 Avqust 2022 - 00:35
https://az.iswnews.com/?p=12477

“İslam Dünyası Xəbərləri” informasiya agentliyi xəbər verir ki, İraqın siyasi və təhlükəsizlik səhnəsi son saatlarda mühüm hadisə və qərarların şahidi olub, o cümlədən Ayətullah Hairinin mərcəye təqlid məqamını tərk etməsi və Sədrin siyasətdən uzaqlaşması bu ölkənin gələcəkdə siyasi-təhlükəsizlik problemlərlə üzləşməsinə səbəb olmaq ehtimalını artırır.

İraq şiələrinin mərcəye təqlidi Ayətullah Seyid Kazim Hüseyni Hairi dünən (29 avqust tarixində) günorta saatlarında fiziki qüsur, xəstəlik və yaşlılıq səbəbindən bu məqamı tərk etməsi ilə əlaqəli bəyanat yaydı. O, bu bəyanatında öz qərarını və nümayəndələrinin artıq şəriətlə bağlı məvacibi almağa haqqlarının olmadığını açıqlayarkən, öz müqəllidlərini və şiələri Həzrət Ayətullah Xameneiyə tabe olmağa və ona itaət etməyə dəvət etdi və onu İslam ümmətinə rəhbərlik etməyə ən layiqli şəxs kimi adlandırdı.

Ayətullah Hairi vurğulayıb ki, İraq xalqı arasında ixtilaf yaratmaq üçün Sədr ailəsinin iki şəhidinin adından istifadə etmək istəyən, ictihad dərəcəsi və digər zəruri şərtlərə malik olmadığı halda şəriət rəhbərliyini öz üzərinə götürmək istəyən hər kəs Sədr ailəsindən deyil. Bu dəyərli alim Amerika işğalçılarının İraqda davam edən hüzurlarını Allah yanında ən böyük haramlardan biri hesab edib.

Bu bəyanatın dərcindən sonra İraqdakı Sədr hərəkatının lideri Seyid Müqtədi Sədr heç vaxt liderlik və hakimiyyət iddiasında olmadığını və siyasi fəaliyyətdən əbədi olaraq uzaqlaşacağını açıqlayaraq bildirdi.

Bu bəyanatda bildirilir ki, bir çoxları, o cümlədən cənab Hairi, bu liderliyin Allahın lütfü və atamızın lütfü ilə olduğu halda, onların lütfü və ya əmri ilə əldə edildiyini düşünürlər. Nəcəf Əşrəf dini mərcəiyyətin əsas kürsüsü olub və belədir.

O, əlavə edib ki, o, heç vaxt məsumluq və ya ictihad və hətta liderlik iddiasında olmayıb və özünü yalnız yaxşılığa əmr edən, pisliklərdən çəkindirən biri hesab edir. Ayətullah Hairinin istefası və bu bəyanatın verilməsinin onun şəxsi iradəsi ilə olmadığını bilsəm də, bir daha siyasi işlərə qarışmayacağımı və bundan sonra da bütünlüklə siyasi sahədən çıxacağımı bildirirəm. Mənimlə bağlı bütün ofislərdən ziyarətgah, muzey və Sədr ailəsinin Miras müəssisəsi istisna olmaqla çəkiləcəyimi bəyan edirəm. Hər kəsi öz vədindən azad edirəm və ölsəm və ya öldürülsəm mənim üçün Fatihə oxuyarsız.

Sədr hərəkatının lideri siyasətdən getdiyini elan etdikdən sonra bu hərəkatın tərəfdarları Bağdadın Yaşıl Zonasında prezident sarayı da daxil olmaqla bir neçə hökumət binasını zəbt etdilər.

İraqın Sədr hərəkatının lideri Müqtəda Sədr tərəfdarları bu ölkənin prezident sarayına daxil olublar.

Bu hərəkətlər İraqın Birgə Əməliyyatlar Qərargahının təcili iclas keçirməsinə və Bağdadda komendant saatı yaratmasına səbəb oldu. Buna əsaslanaraq, komendant saatı dünən (29 avqust) yerli vaxtla saat 15:30-da başladı və qarşıdurmaların artması və təhlükəsizliyin təmin olunmaması səbəbindən bu qərargah ölkənin bütün əyalətlərində saat 19:00-dan (yerli vaxtla) komendant saatı tətbiq ediləcəyini açıqladı. Bu qərara əsasən ümumi trafik komendantı həyata keçirilir və növbəti bildirişə qədər davam edəcək.

Bu iğtişaşların miqyası İraqın müxtəlif şəhərlərinə yayıldı və Bəsrədə Müqtəda Sədrə dəstək aksiyası keçirildi. Bu etiraz aksiyasında şəhid Hacı Qasim Süleymani və şəhid Əbu Mehdi Əl-Mühəndisin şəkilləri Sədr hərəkatının tərəfdarları tərəfindən yandırıldı.

Müqtəda Sədrin tərəfdarları şəhid Hacı Qasim Süleymani və şəhid Əbu Mehdi Əl-Mühəndisin şəkillərinə təhqir ediblər (1)
Müqtəda Sədrin tərəfdarları şəhid Hacı Qasim Süleymani və şəhid Əbu Mehdi Əl-Mühəndisin şəkillərinə təhqir ediblər (2)

İğtişaşlar nəticəsində Kazimeyn (ə) hərəmi zəvvarların üzünə bağlandı. Birləşmiş Millətlər Təşkilatının İraqdakı qüvvələrini daşıyan maşınlar Bağdadın Yaşıl Zonasını tərk etdilər. ABŞ Dövlət Departamenti ABŞ-ın İraqdakı səfirliyinin boşaldılması ilə bağlı dərc edilmiş xəbərləri təkzib etsə də, mövcud məlumat və görüntülər ABŞ helikopterlərinin ABŞ-ın Bağdaddakı səfirliyinin bir neçə əməkdaşını naməlum yerə köçürdüyünü göstərir.

Amerika helikopterlərinin bu ölkənin Bağdaddakı səfirliyinə enməsi

Son saatlarda İraqda baş verən hadisələrdən sonra İranın Bağdaddakı səfirliyi İraq hökumətinin tətbiq etdiyi komendant saatı səbəbindən Kərbəla, Nəcəf və Kazimeyn şəhərlərində olan bütün iranlı zəvvarlar və soydaşlarından xahiş edib ki, növbəti bildirişə qədər Bağdad, Kazimeyn və Samirra şəhərlərinə səfər etməkdən çəkinin.

Tehranın İmam Xomeyni Hava Limanının ictimaiyyətlə əlaqələr üzrə menecerinin sözlərinə görə, Bağdad hava limanında xüsusi şərait yaradılıb və hazırda İrandan bu hava limanına uçuşlar həyata keçirilmir. İranın Xuzistan əyalətinin təhlükəsizlik müavinləri də İraqdakı iğtişaşlar səbəbindən dünən (29 avqust) günortadan sonra iranlı zəvvarların bütün sərhədlərdən yola salınmasının dayandırıldığını açıqlayıb. Onun sözlərinə görə, zəvvarlar növbəti xəbərdarlığa qədər sərhədlərə getməməli və xəbər gözləməlidirlər.

Yerli mənbələrin məlumatına görə, Bağdadda dünən baş verən qarşıdurmalar zamanı 28 İraq təhlükəsizlik qüvvəsi yaralanıb. Bildirilir ki, İraq hərbçilərinin səyi ilə Bağdadın yaşıl zonası hazırda Müqtəda Sədr tərəfdarlarından boşaldılıb.

Dünənki qarşıdurmalarda diqqət çəkən məqam hərbi vəziyyətin elan edilməsinə baxmayaraq, bir sıra Sədr tərəfdarlarının və Sərayə Əl-Səlam qüvvələrinin Bağdadda silahlı mövcudluqlarıdır. Bu hərəkət onu göstərir ki, Sədr tərəfdarlarının anti-təhlükəsizlik əməlləri ilə son hadisələrdə olduğu kimi qəti şəkildə mübarizə aparılmasa, onlar qanunları pozmağa davam edəcək və İraqı çoxsaylı təhlükəsizlik və siyasi problemlərlə üz-üzə qoyacaqlar.

Bağdadda Müqtəda Sədr tərəfdarlarının silahlı olmaları (1)
Bağdadda Müqtəda Sədr tərəfdarlarının silahlı olmaları (2)
Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.