Əfqanıstan və Pakistan silahlı qruplarının gizli müharibəsi

Əfqanıstanın Helmənd əyalətində yerləşən Nave rayonunda Taliban silahlıları ilə “Təhrik-e-Taliban Pakistan” (TTP) üzvləri arasında baş verən qarşıdurma nəticəsində iki Əfqanıstan “Taliban” silahlısı və “Təhrik-e-Taliban Pakistan”ın (TTP) cəbhə komandirlərindən olan Molla Abdullah da olmaqla dörd üzvü öldürülüb.

Digər tərəfdən, Əfqanıstanın Qəndəhar əyalətinin Spin Boldak sərhəd rayonunda naməlum silahlı şəxslər Təhrik-e-Taliban Pakistan hərəkatının dörd üzvünü, o cümlədən “Hafiz Gül Bahadur” kimi tanınan “Yaser Parki”ni həbs edərək güllələyiblər. Yasir Mahmud Şimali Vəziristandakı Təhrik-e-Taliban Pakistan təşkilatının komandirlərindən biri və “Puştun Müdafiə Hərəkatı”nın əsas dəstəkçilərindən hesab edilən bu təşkilatın idarə heyətinin üzvüdür. O, Əfqanıstanın əvvəlki hökuməti dövründə bu ölkəyə səfər edib və Əşrəf Qəni hökumətinin rəsmiləri ilə sıx münasibətdə olub.

Əymən Əz-Zəvahirinin ABŞ-ın dron hücumunda həlak olması və Kabildə Şeyx Rəhimullah Həqqaniyə sui-qəsddən sonra Əfqanıstan və Pakistanın silahlı qruplaşmaları arasında daxili fikir ayrılıqları daha da güclənib. Yasir Mahmudun qətlinə görə məsuliyyəti heç bir qrup öz üzərinə götürməsə də, çox güman ki, bu sui-qəsd Pakistan Ordusu Kəşfiyyat Təşkilatının (ISI) əməkdaşlığı ilə Həqqani şəbəkəsinin agentləri tərəfindən həyata keçirilib.