İranın Kürdüstan Demokrat Partiyası 16 ildən sonra Kürdustan Demokrat Partiyası ilə yenidən birləşdi!

Avqustun 21-də İraqın Kürdüstan bölgəsində yerləşən Ərbildə mətbuat konfransı zamanı İranın Kürdüstan Demokrat Partiyasının baş katibi Mustafa Həcəri ilə Kürdüstan Demokrat Partiyasının baş katibi Xalid Əzizi arasında saziş imzalanıb. Onlar, bu iki partiyanın birləşdikdən sonra İranın Kürdüstan Demokrat Partiyası adı altında fəaliyyətlərini davam etdirmələri qərarına gəliblər.

Son illərdə iki partiyanın yüksək vəzifəli şəxsləri iki partiyanı yenidən birləşdirmək üçün görüşlər keçirmişdilər. Bu məsləhətləşmələr bu il iyunun sonunda yekun mərhələyə çatıb və nəhayət avqustun 21-də hər iki partiyanın rəsmiləri bu iki partiyanın birləşməsi üçün məsləhətləşmələrin nəticələrini ürək açan olduğunu bildiriblər.

İranın Kürdüstan Demokrat Partiyası 2006-cı ildə parçalandı və bu partiyanın bir sıra köhnə üzvləri Kürdüstan Demokrat Partiyası adlı yeni bir partiya yaratdılar.

Xatırladaq ki, İranın Kürdüstan Demokrat Partiyası 1945-ci il avqustun 16-da İranın Qərbi Azərbaycan vilayətinin Məhabad şəhərində yaradılıb və hazırda mərkəzi İraqın Kürdüstan bölgəsinin mərkəzi olan Ərbil şəhərində yerləşir. Bu partiya İran İslam İnqilabının qələbəsindən sonra İranın Kürdüstan bölgəsini İrandan ayırmaq məqsədi ilə silahlı müharibəyə başladı. Bu partiyanın qüvvələri Müqəddəs-Müdafiə müharibəsinin (8 il davam etmiş İraq-İran müharibəsi) başa çatması ilə İraqın Kürdüstan bölgəsində və İran sərhədləri yaxınlığında təlim və təşkilatlanma üçün təhlükəsiz yer tapıb və İran sərhədlərində anti-təhlükəsizlik fəaliyyətlərini davam etdiriblər.

Nəhayət, bu partiyanın üzvlərinin İranda həyata keçirdiyi bir neçə terror əməliyyatından sonra İranın İnqilab Keşikçiləri Korpusu 8 sentyabr 2018-ci ildə İranın Kürdüstan Demokrat Partiyası Mərkəzi Komitəsinin İraqın Kürdüstan bölgəsindəki qərargahını bir neçə yer-yer raketləri ilə hədəfə aldılar. Partiyanın bu hücumda 6 yüksək vəzifəli üzvü öldürülmüşdür.

Ola bilsin ki, İranın Kürdüstan Demokrat Partiyası və Kürdüstan Demokrat Partiyasının birləşmələrindən sonra bu partiyanın qüvvələri öz güclərini nümayiş etdirmək məqsədi ilə İran və İraqın sərhədyanı bölgələrində bir sıra anti-təhlükəsizlik tədbirləri həyata keçirsinlər.
İran silahlı qüvvələrinin sərhəd bölgələrinin təhlükəsizliyi ilə bağlı ciddiliyini və hərbi komandirlərin keçmiş qərarlarını nəzərə alsaq, İranın Kürdüstan Demokrat Partiyası terror əməliyyatlarını gündəmə gətirərsə, keçmişdə olduğu kimi, bu partiya İran İslam Respublikasının qətiyyətli cavabı ilə üzləşəcək.