Suriyada baş verən son hadisələr, 2 Avqust 2022

Çərşənbə axşamı, 2 Avqust 2022 - 23:26
https://az.iswnews.com/?p=10970

“İslam Dünyası Xəbərləri” informasiya agentliyi xəbər verir ki, Türkiyənin yüksək rütbəli rəsmiləri Suriyanın şimalında bu ölkənin hərbi əməliyyatının qaçılmaz olması ilə bağlı hədələri davam etdirərkən, Hələb vilayətində yerləşən Eyn Əl-Ərəb şəhərətrafı ərazilərdə Rusiya və Türkiyənin 108 birgə hərbi patrulu həyata keçirilib.

1- Hələb:
– Avqustun 1-də Türkiyənin dəstəklədiyi terrorçular Təll-Rəəfət şəhərində Suriya Demokratik Qüvvələrinin (SDQ) mövqelərinə hücum edib.
– Avqustun 1-də Hələb vilayətinin Şahba rayonunun “Umm əl-Hoş” və “Əhrəs” kəndləri Türkiyənin dəstəklədiyi terrorçuların artilleriya hücumlarına məruz qalıb.
– Avqustun 1-də Eyn Əl-Ərəb şəhərinin ətrafında 108-ci Rusiya-Türkiyə birgə hərbi patrulu həyata keçirilib.

2- İdlib:
Avqustun 1-də İdlibin cənubunda yerləşən Bənin kəndindəki terrorçuların mövqeləri Suriya ordusunun artilleriya hücumu ilə hədəfə alınıb.

3- Dəraa:
Avqustun 1-də Suriya ordusunun qüvvələrindən biri Dəraanın qərbində naməlum silahlı şəxslər tərəfindən şəhid edilib.

4- Deyr əz-Zor:
Avqustun 1-də Suriya Demokratik Qüvvələri (SDQ) Əl-Şəhil-Həvayic yolunda yeni nəzarət-buraxılış məntəqəsi yaradıb.

5- Raqqa:
Avqustun 2-də Türkiyənin dəstəklədiyi terrorçular artilleriya hücumları ilə M4 magistralını və Eyn-İsa ətrafını hədəfə alıblar.

6- Həsəkə:
Avqustun 2-də Həsəkənin cənubundakı Əl-Şəddadi-Mərkədə yolunda Suriya Demokratik Qüvvələrinin (SDQ) maşınına naməlum silahlı ünsürlərin hücumu nəticəsində bir neçə SDQ əsgəri həlak olub və yaralanıb.

7- Homs:
Avqustun 1-də İŞİD terrorçuları Homs şəhərinin şərq ətrafının Əs-Sixnə şəhərinin şimalındakı Ət-Tayyibə kəndinin kəsişməsi yaxınlığında Suriya ordusuna məxsus avtomobilə hücum ediblər. Bununla bağlı əlavə təfərrüatlar açıqlanmayıb.

8- Dəməşq:
İyulun 30-da naməlum silahlı qüvvələr Suriya ordusunun Deyr-Makir bölgəsində nəzarət-buraxılış məntəqəsinə hücum edib və bu zaman iki Suriya təhlükəsizlik qüvvəsi şəhid olub.

9- Avqustun 1-də Türkiyənin müdafiə naziri deyib ki, Ankaranın məqsədi yalnız öz vətəndaşlarının təhlükəsizliyini qorumaqdır və heç kimin ərazisində gözü yoxdur.

10- Avqustun 1-də Türkiyə Müdafiə Nazirliyi “Sülh çeşməsi”nin əməliyyat bölgəsində beş kürd silahlısının həlak olduğunu açıqlayıb.

11- Avqustun 1-də Suriyadakı Rusiya Barışıq Mərkəzi elan etdi: Terrorçular İdlib bölgəsində 3 dəfə atəşkəsi pozublar, bunlardan 1-i Latakiya vilayəti, 2-si isə Hələb vilayətində baş verib.

12- Avqustun 1-də Asaiş Daxili Təhlükəsizlik (YPG) qüvvələri Suriya Demokratik Qüvvələrinin (SDQ) iki komandirinin öldürülməsində məsul olan Türkiyə kəşfiyyatına (MİT) bağlı səkkiz nəfərdən ibarət qrupu həbs edib.

13- Avqustun 1-də Amerika koalisiyasına aid 40-dan çox yük maşını İraq Kürdüstanı sərhədindən və qeyri-qanuni olan Əl-Vəlid keçid məntəqəsindən Suriyadakı Amerika bazalarına daxil olub.

Yüksək keyfiyyətli xəritə

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.