İraqda baş verən son hadisələr, 29 İyul 2022

Cümə, 29 İyul 2022 - 23:09
https://az.iswnews.com/?p=10782

“İslam Dünyası Xəbərləri” informasiya agentliyi xəbər verir ki, Həşd-Şəəbi Təşkilatı Əl-Ənbar vilayətində yerləşən Əl-Qaim bölgəsinin cənubunda İŞİD ünsürlərinin təqib edilməsi və həbs edilməsi məqsədi ilə İraq ordusu ilə birgə əməliyyata başladığını elan edib.

1- Bağdad:
– İyulun 27-də Müqtəda Sədrin yüzlərlə tərəfdarı İraqın baş naziri postu üçün təklif edilən varianta etiraz olaraq Bağdadın Təhrir meydanına toplaşaraq beton divarları sökdükdən sonra Yaşıl Zonaya daxil olublar. Bu əraziyə daxil olduqdan sonra etirazçılar İraq parlamentinin binasına daxil olaraq ictimai əmlakı dağıdıblar.

– İyulun 27-də axşam saatlarında Sədr Hərəkatının lideri Müqtəda Sədr tərəfdarları qarşısında çıxış edərək Məhərrəm İnqilabının zülm və korrupsiyaya qarşı islahatçı inqilab olduğunu bəyan edib və deyib: Əzizlərim, mesajınız lazımi şəxslərə çatdı ​​və siz korrupsionerləri sarsıtdınız, iki rükət namaz qılın və sağ-salamat evə qayıdın.
– İyulun 27-də İraq şiələrinin koordinasiya mərkəzi, iraqlı nümayişçilərin parlament binasına daxil olmasına cavab olaraq, bəyanat verərək, hadisələrin sürətlə baş verdiyini və nümayişçilərin xüsusi hökumət ərazisinə, parlament və qanuni əraziyə daxil olmasına icazə verildiyini elan etdi. Xüsusi qurumların və digər tərəfdən isə müvafiq qüvvələrin üzərinə düşən vəzifəni yerinə yetirməməsi bir çox şübhələrə səbəb oldu; Ona görə də hökumətdən xahiş edirik ki, təhlükəsizliyin və asayişin qorunması, xaosun və qanunsuz hərəkətlərin qarşısının alınması üçün qəti tədbirlər görülsün.
– İyulun 27-də İslam İnqilabı Keşikçiləri Korpusunun Qüds Qüvvələrinin komandanı Sərdar İsmayıl Qaani elan olunmamış səfərlə İraqın paytaxtı Bağdada daxil olub.
– İyulun 27-də Amerikanın casus dronlarının Bağdad şəhəri üzərində uçduğu görünüb.

2- Dohuk:
– PKK silahlılarına qarşı mübarizə bəhanəsi ilə İraqın şimal bölgələrində mövcudluğunu davam etdirən Türkiyə ordusu Dohuk vilayətinin İmadiyyə bölgəsi yaxınlığında yeni hərbi baza tikib.

Daha ətraflı: Türkiyə Şimali İraqda yeni hərbi baza tikib

– İyulun 26-da səhər saatlarında “Sərayə Əbabil” müqavimət dəstəsi “Murad 6” dronları ilə İraqın şimalında yerləşən Baruxe və Siri bölgələrində Türkiyə ordusunun iki hərbi bazasına hücum edib.

Daha ətraflı: Şimali İraqda Türkiyə ordusunun bazalarına dron hücumu olub + VİDEO

3- Neynəva:
– İyulun 27-də səhər saatlarında Türkiyə ordusunun Mosulun şimalında yerləşən Zelkan bölgəsindəki Bəəşiqə hərbi bazası 5 Qrad raketi ilə hədəfə alınıb. Hələlik heç bir qruplaşma bu hücuma görə məsuliyyəti üzərinə götürməyib.

Daha ətraflı: Türkiyə ordusunun Neynəva vilayətinin şimalındakı bazasına raket hücumu olub

– İyulun 27-də səhər Türkiyənin Mosuldakı konsulluğu iki “Katyuşa” raketi ilə hədəfə alınıb. Hələlik heç bir qruplaşma bu hücuma görə məsuliyyəti üzərinə götürməyib.

Daha ətraflı: Türkiyənin Mosuldakı konsulluğuna raket hücumu olub

– İyulun 25-də Həşd-Şəəbi qüvvələri Neynəva əyalətində İŞİD-in mühüm üzvlərindən birini həbs edib.

4- Süleymaniyyə:
İyulun 25-də İraqın Kürdüstan bölgəsinin Çəmçəmal bölgəsindəki Kormor qaz yatağı iki “Katyuşa” raketi ilə hədəfə alınıb. Hələlik heç bir qruplaşma bu hücuma görə məsuliyyəti üzərinə götürməyib.

5- Diyalə:
İyulun 27-də Həşd-Şəəbi Təşkilatının qüvvələri Diyalə vilayətinin şimal-şərqində yerləşən Şervin bölgəsində İŞİD ünsürlərinin hücumunu dəf edib.

6- Əl-Ənbar:
İyulun 28-də Həşd-Şəəbi Təşkilatı İraq ordusu ilə Əl-Ənbar vilayətinin Əl-Qaim bölgəsinin cənubunda İŞİD ünsürlərini təqib etmək və həbs etmək üçün birgə əməliyyata başladığını elan edib.

7- İyulun 26-da Birləşmiş Millətlər Təşkilatının Təhlükəsizlik Şurası verdiyi açıqlamada Türkiyə ordusunun İraqın şimalında yerləşən Dohuk vilayətində kurort bölgəsinə təşkil etdiyi artilleriya hücumunu qınadı və İraq hökumətinin bu hücumla bağlı araşdırmalar aparmasına dəstək verdi.

8- İyulun 25-də Türkiyənin daxili işlər naziri Süleyman Soylu Şimali İraqda bu ölkənin bir əsgəri və dörd təhlükəsizlik qüvvələrinin həlak olduğunu açıqladı.

Daha ətraflı: İraqın şimalında 5 türk hərbiçisi həlak oldu

9- İraqın müdafiə naziri Cümə İnad, Türkiyə ordusunun 31 turistin ölümü və yaralanması ilə nəticələnən Dohuk vilayətinə artilleriya hücumuna qarşı son mövqeyində, İraq ordusunun türk qüvvələri ilə qarşı-qarşıya qalmağa və onları Türkiyəyə qarşı hücumlarını dayandırmağa məcbur etməyə qadir olduğunu bildirib. O həmçinin deyib: Amma biz siyasi və diplomatik həll yollarını gözləyirik.

10- İyulun 27-də İraqın xarici işlər naziri Türkiyənin Zaxuya hücumunu pisləyən və bu ölkənin öz qüvvələrini İraqdan çıxarmasını tələb edən qətnamənin çıxarılmasının zəruriliyini vurğuladı.

Paylaş:
Rəy
  • Rəyləriniz "İslam Dünyası Xəbərləri" xəbər portalının redaktorları tərəfindən təsdiqləndikdən sonra saytda dərc olunacaq.
  • Rəylər bölməsində iftira, yalan və nalayiq sözlərdən ibarət rəylər dərc olunmayacaq.
  • Müvafiq xəbərə aidiyyatı olmayan rəylər dərc olunmayacaq.

Bir cavab yazın

Sizin e-poçt ünvanınız dərc edilməyəcəkdir.