Mali Vətəndaş müharibəsindən ən son xəbərlər, 20 İyul 2022
“İslam Dünyası Xəbərləri” informasiya agentliyi xəbər verir ki, İŞİD terror qruplaşması Malinin şərqində rusiyalı müşavirlərin kəşfiyyat dronunu vurub.
İŞİD terror qruplaşmasının son bəyanatına əsasən, iyulun 18-də bu qruplaşmanın yaraqlıları Malinin şərqində yerləşən Manaka əyalətində rusiyalı müşavirlərə (Vaqner kimi tanınan) məxsus Orlan-10 kəşfiyyat dronunu vurublar. Bu bəyanatda İŞİD son günlər Afrikada baş verən son qarşıdurmaları xatırladıb və həmçinin Mali, Niger və Burkina-Fasonun şimalındakı hərbi bazalara qarşı son hücumların məsuliyyətini öz üzərinə götürüb.
Mali, Burkina-Faso və Nigerdə İŞİD-in son hücumları nəticəsində 6 maşın məhv edilib, Burkina-Fasoda 17 əsgər öldürülüb, Azavad hərəkatının 2 üzvü əsir götürülüb, Nüsrətül-İslam və Müslimin qruplaşmasının 11 üzvü isə İŞİD-ə qoşulub.
Bu bəyanat İŞİD yaraqlılarının Nüsrətül-İslam və Müslimin yaraqlıları ilə son toqquşmalarda məğlub olduqları və Qao vilayətinin şərqindəki Enazul və Təlatəyə bölgələrinin nəzarətini onlara təhvil verdikləri bir vaxtda verilib.
Daha çox oxuyun:
Malidə baş verən son hadisələr, 23 İyun 2022
İŞİD-in Malinin şərqində vurduğu “Orlan 10” dronunun qalıqlarının görüntüləri
Rəy