Abşeron yarımadasının ən qədim yaşayış məskənlərindən biri də Şağandır. Arxeoloji qazıntıların nəticələrindən məlum olmuşdur ki, hələ e.ə.3000 il əvvəl bu ərazidə əhali məskunlaşmışdır. Qəsəbədə tunc dövrünə aid qayaüstü Günəş, Ay, təsərrüfat və məişət əşyalarının təsvirləri kəndin qədim yaşayış yeri olduğunu sübut edir.
1856-cı ilin “Qafqaz təqvimi”ndə Maştağa bölməsinin Pirşəfiq (yerli dilin əlifbası ilə پيرشفيق) kəndinin adı çəkilir. B. V. Millerin 1920-ci illərin sonlarına aid əsərlərindən birində “Pir-Şaxı (Pirşağı kəndi, Bak. mahalı)” kəlməsinə rast gəlmək olar. Sovet dövrü ədəbiyyatında Pirşağı yazısı da var. Azərbaycan kiril əlifbasında ya Pirşağa, ya da Pirşağı kimi yazılıb.
Binə ərazisinə görə Bakının Maştağadan sonra ən böyük ikinci qəsəbəsidir. Məskunlaşma baxımından Abşeronun ən cavan yaşayış məntəqələrindən biri sayılır.
Lökbatan şəhər tipli qəsəbə olaraq Qaradağ rayonunun mərkəzidir. Qəsəbə ərazisində xeyli palçıq vulkanı vardır. Bilinən tarixdə 18 güclü vulkan püskürməsi olmuşdur. Son dəfə vulkan oyanması 2001-ci ildə qeydə alınıb.
Əmircan adlanan kənd Abşeronun ən qədim kəndlərindən biridir. Yerli əhali bu kəndə Xilə deyir. Xilə toponiminə tək Abşeronda deyil Azərbaycanın bir çox başqa bölgələrində də rast gəlmək olur. Xilə adı İraqın Hillə bölgəsindən Azərbaycana köçən tayfa ilə bağlıdır.
Nardaran – Bakının Sabunçu rayonunda, Bakıdan 25 kilometr şimalda yerləşir. Kəndin adının mənası barədə müxtəlif versiyalar söylənilir. Amma ən çox ehtimal olunan mənaları mətndə qeyd olunanlardır.
