Suriyanın Hələb əyalətinin Mənbic şəhərinin ətrafındakı Ərəb Həsən bölgəsində Təhrir Əş-Şam terrorçuları ilə Suriya Demokratik Qüvvələri (SDQ) arasında baş verən toqquşma nəticəsində Təhrir Əş-Şamın azı 5 üzvü həlak olub, 18-i yaralanıb. Yaralılar Cerablus şəhərindəki xəstəxanaya çatdırılıb.
Amerika terrorçularının Qərbi Asiyadakı qərargahı İraq və Suriyada İŞİD-ə qarşı 36 birgə əməliyyat həyata keçirdiyini açıqlayıb.
Suriya Demokratik Qüvvələrinin media mərkəzinin rəhbəri təhlükəsizliyin gücləndirilməsi əməliyyatının başa çatdığını elan etməklə eyni vaxtda Suriyanın Deyr əz-Zor əyalətində SDQ qüvvələrinin münaqişə bölgələrinə tam nəzarət etdiyini açıqlayıb.
Yerli mənbələr Suriya ordusu hissələrinin Suriya, İraq və İordaniya sərhəd üçbucağında yerləşən Tənəf Amerika bazası yaxınlığında yerləşdirildiyini bildirib.
Suriyanın xarici işlər naziri Suriya qəbilələri ilə Suriya Demokratik Qüvvələri arasında son vaxtlar baş verən qarşıdurmalara toxunaraq, Dəməşq hökumətinin bu münaqişələrdə ərəb qəbilələrini dəstəklədiyini vurğulayıb.
Suriyanın xarici işlər naziri Misirin paytaxtında BƏƏ xarici işlər naziri və Səudiyyə Ərəbistanının xarici işlər nazirinin müavini ilə görüşərək ikitərəfli əlaqələr və onların gücləndirilməsini müzakirə edib.
Suriyanın Deyr əz-Zor vilayətindəki hərbi şuranın rəhbəri Əhməd Xubeyl Suriya Demokratik Qüvvələri tərəfindən həbs edildikdən sonra bəzi suriyalı köçərilər bu hərəkətə etiraz olaraq Deyr əz-Zor əyalətində SDQ qüvvələrinin mövqelərini hədəfə alıblar. Bu qərar hələ də davam edən bir sıra münaqişələri başlatdı.
Suriya hərbçilərinin dəstəyi ilə Həsəkə vilayətinin şimal-şərqində yerləşən Hamu kəndinin sakinləri Amerika koalisiyasının hərbi karvanının bu ərazidən keçməsinin qarşısını alıblar.
Suriyadakı Rusiya Barışıq Mərkəzinin rəis müavini Rusiya qırıcı təyyarələrinin Suriyanın İdlib əyalətinin müxtəlif bölgələrinə hücumu nəticəsində Təhrir Əş-Şam terrorçularının 17 üzvünün həlak olduğunu açıqlayıb.
Bu gün Rusiya ordusunun qırıcıları Maara Masrin və Ahsom şəhərləri də daxil olmaqla, Suriyanın İdlib vilayətindəki müxtəlif bölgələrdə yerləşən terrorçuların mövqelərini hədəfə alıb. Terrorçulara yaxın medialar bu hücumlar nəticəsində bir neçə mülki vətəndaşın yaralandığını iddia edib.
Sionist rejim qırıcıları Suriya paytaxtının ətraf məntəqələrindəki hədəflərə bir neçə raket zərbəsi endirib, nəticədə bir suriyalı hərbçi yaralanıb.
ABŞ hökumətinin Maliyyə Nazirliyi Türkiyənin Suriyada dəstəklədiyi “Firqətu Əl-Sultan Süleyman Şah” və “Firqətu Əl-Həmzə” adlı iki silahlı qruplaşmaya qarşı sanksiya tətbiq etdiyini açıqlayıb. Bildirilir ki, Amerika hökuməti Hələb vilayətində yerləşən Afrin şəhərindən kürdləri qovmaq, əmlaklarını müsadirə etmək, kürdlər, yezidilər və Afrin bölgəsinin bəzi digər sakinlərinin geri qayıtmasının qarşısını almaq ittihamı ilə bu iki qruplaşmaya sanksiya tətbiq edib.
