İran İslam Respublikasının xarici işlər naziri “Əl-Vifaq” qəzeti ilə söhbətində İranın region və beynəlxalq aləmdəki xarici siyasəti ilə bağlı son hadisələri müzakirə edib.
Türkiyə ordusunun Hələb vilayətinin Mənbic şəhərinin cənub ətrafında avtomobilə dron hücumu nəticəsində ən azı 3 YPJ əsgəri həlak olub, ikisi isə yaralanıb.
Təhrir Əş-Şam terror qruplaşmasının Latakiyanın şimalında yerləşən Əbu Əli yüksəkliyində Suriya ordusunun mövqelərinə dron hücumu nəticəsində azı 5 suriyalı əsgər şəhid olub. Çox güman ki, bu hücuma cavab olaraq yaxın günlərdə Rusiya qırıcıları ilə birlikdə Suriya ordusunun döyüşçüləri də Təhrir Əş-Şamın mövqelərinə hücumlar təşkil edəcək.
Suriyanın Qurtuluş Hökumətinin işğal olunmuş bölgələrdə, xüsusilə İdlib və ətraf rayonlarda təhsil sistemi Təhrir Əş-Şam terrorçuları təsiri altındadır. Bu təşkilat təhsil müəssisələrinin və dini məktəblərin yaradılması yolu ilə sələfi təhsilini təşviq etməklə ardıcıl proqram hazırlayıb. Dövlət məktəblərinin nizamsız vəziyyəti və müəllimlərin etiraz olaraq dərsləri tətil etməsi, Təhrir Əş-Şamın nəzarəti altındakı dini məktəblərin genişləndirilməsi İdlibin işğal olunmuş ərazilərində yaşayan suriyalı uşaqların gələcəyi üçün iki əsas problemdir. Bu problemlər gələcəkdə Suriyaya böyük ziyan vura bilər.
Amerikanın Suriyadakı səfirliyi X sosial (keçmiş Twitter) şəbəkəsindəki səhifəsinin adını “ABŞ Səfirliyi – Dəməşq”dən “ABŞ-ın Suriyadakı səfirliyi” olaraq dəyişib.
Türkiyə ordusunun hərbi karvanı, o cümlədən 10 hərbi maşın və qazma maşınları logistika avadanlığı ilə birlikdə cümə axşamı yerli vaxtla səhər saat 6:00-da Təll-Əbyəd keçidi vasitəsilə Suriya ərazisinə daxil olub, sonra isə Eyn İsa şəhəri ətrafındakı Şərkrak bölgəsində yerləşib.
Sionist rejim ordusunun qırıcıları Suriyanın Tərtus vilayətinin cənubuna hücumu nəticəsində iki suriyalı əsgər şəhid olub, altısı isə yaralanıb. Həmçinin Homs və Həma vilayətlərinə də hava zərbələri endirib.
Suriyanın Hələb vilayətindəki Afrin şəhərində bomba yüklü avtomobilin partlaması nəticəsində azı bir nəfər ölüb, iki nəfər yaralanıb.
Suriya Demokratik Qüvvələri (SDQ) İŞİD terror qruplaşmasının Əl-Şam vilayətinin maliyyə məsullarından biri, “Əbu Bəra Əl-Həsən” ləqəbli Yəhya Əhməd Əl-Həccini təhlükəsizlik qüvvələrinin Deyr əz-Zor vilayətinin Bəsirə bölgəsində keçirdiyi əməliyyat zamanı həbs edib.
Suriya ordusunun Təhrir Əş-Şam terrorçularının “Osman bin Əffan” briqadasının Latakiya şəhərinin şimal ətraflarında yerləşən Cəbəl Əl-Əkraddakı Nahşaba cəbhəsindəki mövqelərinə hücumlarından sonra iki tərəf arasında iki saat davam edən şiddətli qarşıdurma baş verib. Hələlik itkilərin sayı və bu münaqişənin təfərrüatları barədə məlumat verilməyib.
İdlib-Bab Əl-Havi yolunda Türkiyə hərbi karvanına naməlum silahlı şəxslər tərəfindən hücum edilib. Bu hücumda Türkiyə ordusunun hərbi maşınlarından birinə ciddi ziyan dəyib. Bu münaqişədə itki olmayıb.
Yerli mənbələrin məlumatına görə, Amerika koalisiyasına məxsus karvan Suriya sərhədindən bu gün Fişxabur keçidi vasitəsilə İraqın Kürdüstan bölgəsinə daxil olub.
