Təhrir Əş-Şam terror qruplaşmasının Latakiyanın şimalında yerləşən Əbu Əli yüksəkliyində Suriya ordusunun mövqelərinə dron hücumu nəticəsində azı 5 suriyalı əsgər şəhid olub. Çox güman ki, bu hücuma cavab olaraq yaxın günlərdə Rusiya qırıcıları ilə birlikdə Suriya ordusunun döyüşçüləri də Təhrir Əş-Şamın mövqelərinə hücumlar təşkil edəcək.
Suriya ordusunun Təhrir Əş-Şam terrorçularının “Osman bin Əffan” briqadasının Latakiya şəhərinin şimal ətraflarında yerləşən Cəbəl Əl-Əkraddakı Nahşaba cəbhəsindəki mövqelərinə hücumlarından sonra iki tərəf arasında iki saat davam edən şiddətli qarşıdurma baş verib. Hələlik itkilərin sayı və bu münaqişənin təfərrüatları barədə məlumat verilməyib.
Türküstan Partiyası terror qruplaşmasının Latakiya vilayətində Nəbi Yunus yüksəkliyində Suriya ordusunun qərargahına hücumu nəticəsində 4 Suriya əsgəri şəhid olub, bir neçəsi yaralanıb.
“İslam Dünyası Xəbərləri” informasiya agentliyi xəbər verir ki, Ənsarül-İslam terror qruplaşması Suriya sahillərində İran qüvvələrinin yerləşdiyi iddia edilən yerə öz ünsürlərinin hücum etdiyini əks etdirən video yayımlayıb.
