İran Raketləri - İslam Dünyası Xəbərləri

Tufan anti zireh raketlər ailəsi, əsası BGM-71 TOW raketinin əks mühəndisliyi olan on bir Tufan anti zireh raket seriyasıdır. Bu raketlər İranın anti zireh raketlərinin onurğa sütunu kimi sayılır və çoxlu sayda istehsal edilib. Ümumilikdə, Tufan ailəsinin 11 üzvü 1-dən 7-ə qədər rəqəmlərlə, o cümlədən iki təkmilləşdirilmiş və iki adı dəyişdirilmiş modellə nümayiş etdirilir ki, bu barədə oxuyacağınız məqalədə ətraflı araşdırılıb.

Ya Əli (ə) qanadlı raketi 700 km mənzilli və müxtəlif quru, hava və dəniz platformalarından atəş açmaq qabiliyyətinə malik orta mənzilli qanadlı raketdir. Ya Əli (ə) qanadlı raketi İranın quruda, havada və dəniz qüvvələrində istifadə üçün orta mənzilli tamamilə müstəqil və yerli qanadlı raket platforması dizayn etmək və qurmaq üçün ilk cəhdidir.

“Fəttah” raketi iyunun 6-da Tehranda keçirilən xüsusi mərasim zamanı nümayiş etdirilən İranın hipersəs raket seriyasının ilk nümunəsidir. Orta fazada 13 maxdan çox, hədəfi vurmazdan öncəki son fazada isə 5 maxdan yüksək sürətə malik, həmçinin hədəfdən 100 kilometr əvvəl manevrlər edə bilən bu raket İranın raket arsenalında böyük inkişaf hesab olunur. Əslində “Fəttah” raketi son dərəcə təkmil olunmuş ballistik raketdir. Bu raket son mərhələ və ya MaRV-da (Maneuverable Reentry Vehicle) müxtəlif manevrlər edə bilir. Bu raketin bütün manevrləri və vurma zamanı hipersəs raketləri kateqoriyasına daxil olması üçün, 5 max və daha çox sürəti saxlamağa çalışılıb.

Xürrəmşəhr-4 ballistik raketi İran Müdafiə Nazirliyi tərəfindən 2023-cü il mayın 25-də nümayiş etdirilən Xürrəmşəhr seriyalı raketlərin dördüncü nəslidir. Bu raketin mənzili 2000 km-dir və onun 1500 kq döyüş başlığı İran raketlərinin ən ağır döyüş başlıqlarından biri hesab olunur. Hiperqalik yanacağın istifadəsi, qabaqcıl “Ərvənd” mühərriki, atmosferdən kənarda 16 max, atmosfer daxilində 8 max sürəti, atmosferdən kənarda orta fazada döyüş başlığını idarə etmək qabiliyyəti Xürrəmşəhr-4 raketinin özəl xüsusiyyətlərindəndir.

“Şəfəq” raketi İran İslam Respublikasının Müdafiə Nazirliyi tərəfindən ordu və SEPAH helikopterlərində, həmçinin “Kərrar” dronlarında istifadə üçün istehsal edilmiş və quraşdırılmış İranın orta mənzilli hava-yer raketidir.

“İslam Dünyası Xəbərləri” informasiya agentliyi xəbər verir ki, İran İslam İnqilabı Keşikçiləri Korpusunun Aerokosmik Qüvvələrinin komandanı briqada generalı Sərdar Əmir Əli Hacızadə general Həsən Tehrani Müqəddəmin şəhadətinin ildönümü mərasimi çərçivəsində hipersəs ballistik raketi yaratmağa müvəffəq olduqlarını açıqlayıb.

Zülfüqar raketi quru yanacaq və çıxarıla bilən döyüş başlığına malik qısa mənzilli taktiki ballistik raketdir. Bu raket İran Müdafiə Nazirliyinin Aerokosmik Təşkilatı tərəfindən istehsal edilmiş və 2016-cı ilin oktyabr ayından rəsmi olaraq İran silahlı qüvvələrinin istifadəsinə verilmiş Fateh 110 raketinin təkmilləşdirilmiş nümunəsidir.

“Fateh-110” ballistik raketi çıxarıla bilən döyüş başlığına malik, quru yanacaqla işləyən qısa mənzilli ballistik raketdir. Fateh-110 İran tərəfindən sayca ən çox istehsal olunmuş raket növlərindən biri hesab olunur.

Qaem smart hava bombaları İran İslam Respublikasının Müdafiə Nazirliyi tərəfindən istehsal edilmiş və təchiz edilmiş üç ağıllı minyatür bomba dəstidir. Bu bombalar daha təkmil dizayndan istifadə edən Sədid ailəsindən sonra ikinci minyatür bomba və ya SMB (Smart Miniature Bomb) ailəsidir. Qaem 1, 5 və 9 bombalarının hamısı 2019-cu il avqustun 6-da o zamankı İran müdafiə nazirinin iştirakı ilə keçirilən mərasimdə nümayiş etdirildi.

Fateh-313 raketi 22 avqust 2015-ci ildə İran tərəfindən nümayiş etdirilən quru tərkibli yanacaqla qısa mənzilli ballistik raketdir. Bu raket Fateh raket silsiləsinin yeni nəslidir və Fateh-110 raketindən daha yüngül gövdəyə, daha inkişaflı hərəkət qabiliyyətinə, daha çox mənzilə və dəqiqliyə malikdir.

“İslam Dünyası Xəbərləri” informasiya mərkəzinin məlumatına görə, martın 13-də səhər saatlarında İran İnqilabı Keşikçiləri Korpusu Hava Qüvvələri İraqın Ərbil şəhərində ABŞ-ın yeni konsulluğunun yaxınlığında İsrail rejiminin gizli və həssas mərkəzini ən azı 10 ballistik raketlə hədəfə alıb.

Xeybərşekən orta mənzilli ballistik raketin ixtisaslaşdırılmış araşdırması