Sudanda son qarşıdurmalar general Əbdül Fəttah Əl-Burhanın komandanlığı altında olan Sudan ordusu qüvvələri ilə Həmidəti kimi tanınan Məhəmməd Həmdan Daqlonun komandanlığı altında Çevik Reaksiya qüvvələri arasında hakimiyyət uğrunda mübarizə və fikir ayrılığından sonra baş verib.
Gözlənilməz bir dəyişikliklə Sudan general-leytenant Əbdül Fəttah Əl-Burhanın komandanlığı altında ordu qüvvələri ilə onun müavini Məhəmməd Həmdan Daqlonun (Həmidəti) komandanlığı altında Çevik Reaksiya qüvvələri arasında genişmiqyaslı silahlı qarşıdurma dövrünə girdi. Bu silahlı qarşıdurma Sudanda mövcud hibrid siyasi böhranın pik nöqtəsinə çatdığını göstərir. Bu böhran Əl-Burhanın 2021-ci ilin oktyabrında hərbi-mülki əməkdaşlığa son qoymaq qərarı ilə başladı. Keçən il, dekabrda iki tərəf arasında siyasi razılaşması əldə olunmasına baxmayaraq, Həmidəti ilə açıq və gizli münaqişə ilə müşayiət olundu. Siyasi keçid prosesinə və mülki hökumətin qurulmasına mane oldu.
“İslam Dünyası Xəbərləri” informasiya agentliyi xəbər verir ki, Sudanda bu ölkə ordusu ilə Çevik Reaksiya qüvvələri arasında gərginliyin artmasının ardınca paytaxt Xartum şəhəri və digər şəhərlərdə genişmiqyaslı silahlı qarşıdurma davam edir.
