Fələstin Müqaviməti - İslam Dünyası Xəbərləri

Ötən gün noyabrın 3-də günortadan sonra Qəzza zolağının mərkəzi cəbhəsində baş verən toqquşmaların peykdən çəkilmiş görüntüləri İsrail ordusunun bu cəbhədə irəliləyişini göstərir. İsrailin mexanikləşdirilmiş qüvvələri demək olar ki, sahil yoluna çatıb və Qəzza şəhərinin cənub-şərqində yerləşən Vəhş məntəqəsində şiddətli toqquşmalar davam edir.

Bu gün Fələstin müqavimət qrupları Qəzza zolağının şimal cəbhəsindən işğal altında olan Sdirut şəhəri və Zikim bölgəsinə növbəti silahlı hücuma keçib.

HƏMAS hərəkatının hərbi qanadı olan Kətaib əl-Qəssam Qəzza zolağında fələstinlilərin evlərinin bombalanmasına cavab olaraq işğal altındakı Qüds, Aşdod, Aşkelon və Təl-Əviv şəhərlərini kütləvi raket hücumları ilə hədəfə aldığını açıqlayıb.

Sionist rejim Ordusu Qəzza zolağına hücumlarının davamında Beyt Lahia, Beyt Hanun, Xan Yunis, Rəfah və Qəzzanı hədəfə alıb.

Aşağıdakı video HƏMAS hərəkatının hərbi qanadı olan Kətaib əl-Qəssamın Səqr bölməsinin təlimləri ilə bağlıdır. Bildirilib ki, Əl-Əqsa Fırtınası əməliyyatının başlanğıcında Səqr bölməsi qüvvələri paraplanlardan istifadə edərək sionist yaşayış məntəqələrinə daxil olublar.

Fələstin müqavimət qüvvələrinin birgə və təəccüblü hücumlarının başlaması və sionist hərbçilərin bu hücumlar qarşısında reaksiyası göstərir ki, sionist rejimin kəşfiyyat və təhlükəsizlik qurumları bu hücumlar başlamazdan əvvəl Fələstin müqavimətinin hərəkətlərini müəyyən etmək üçün zərrə qədər xəbərdarlıq etməyiblər və uğursuzluğa düçar olublar!

Yerli mənbələr bir sıra Fələstin müqavimət qüvvələrinin Qəzza ətrafındakı sionist yaşayış məntəqələrinə daxil olmaları və bir neçə İsrail əsgərinin əsir götürülməsi barədə məlumat yayıb.

Qəssam batalyonlarının baş komandanı Məhəmməd Əl-Zeyf mesajında ​​sionist bölgələrə qarşı hərbi əməliyyatı “Əl-Əqsa Fırtınası” əməliyyatı adlandırıb.

İvritdilli medialar Fələstin müqavimət qruplarının işğal olunmuş ərazilərə böyük raket hücumu təşkil etdiyini bildirib.

Fələstin müqavimət qüvvələri ilə İsrail əsgərləri arasında Tulkərəm yaxınlığında baş verən silahlı qarşıdurma zamanı iki fələstinli şəhid olub.

İsrail ordusu Qəzzadan sionist yaşayış məntəqələri istiqamətində yandırıcı balonların göndərilməsinə cavab olaraq Qəzza sərhədində Fələstin müqavimətinə aid bir neçə qülləni hədəfə alıb.

Fələstin müqavimət qruplarının müştərək əməliyyat otağı Qəzzada “Əl-Rukn Əl-Şədid 4” adlı təlimin başladığını elan edib.