Amerikanın İraqda Olması - İslam Dünyası Xəbərləri

İraq müqavimət dəstələrinin ABŞ-ın İraqdan çıxarılması ilə bağlı israrları və Bağdaddakı Amerika səfirliyinin yerləşdiyi Yaşıl Zonasına qarşı davamlı təhdidləri, Vaşinqtonu İraqda öz qüvvələrini saxlamaq variantlarını nəzərdən keçirməyə, İraqın Kürdüstan bölgəsində və ya Suriyanın cənubunda İraq və Suriya sərhədindəki bölgələrdə yeni bazalar qurmağa vadar edib. Amerikalılar iyirmi ilə yaxındır ki, İraqdadırlar. Onların mövcudluğunun sayı və keyfiyyəti fərqli olsa da, amma hal-hazırda amerikalıların İraqda mövcudluğu sabitdir. Onlar həmçinin Suriyadakı mövcudluqlarından və hərbi konvoylarının yeni qurulan bazalara köçürülməsindən əldə etdikləri gəlirlərdən faydalanırlar.

İraqın işğalının ildönümündə və ABŞ-ın rəhbərlik etdiyi bu ölkənin işğalından iyirmi il sonra İraqın yeddinci baş naziri Məhəmməd Əl-Sudani korrupsiyanı ölkənin üzləşdiyi ən böyük problemlərdən biri elan etdi və bunu “terror təhlükəsindən daha təhlükəli” adlandırdı. İraqın 43 milyon vətəndaşının çoxu korrupsiya və onun İraqda yaratdığı problemlər barədə baş nazirləri ilə həmfikirdir.