Suriyadakı Rusiya Barışıq Mərkəzinin rəis müavini Rusiya qırıcı təyyarələrinin Suriyanın İdlib əyalətinin müxtəlif bölgələrinə hücumu nəticəsində Təhrir Əş-Şam terrorçularının 17 üzvünün həlak olduğunu açıqlayıb.
Bu gün Rusiya ordusunun qırıcıları Maara Masrin və Ahsom şəhərləri də daxil olmaqla, Suriyanın İdlib vilayətindəki müxtəlif bölgələrdə yerləşən terrorçuların mövqelərini hədəfə alıb. Terrorçulara yaxın medialar bu hücumlar nəticəsində bir neçə mülki vətəndaşın yaralandığını iddia edib.
Sionist rejim qırıcıları Suriya paytaxtının ətraf məntəqələrindəki hədəflərə bir neçə raket zərbəsi endirib, nəticədə bir suriyalı hərbçi yaralanıb.
ABŞ hökumətinin Maliyyə Nazirliyi Türkiyənin Suriyada dəstəklədiyi “Firqətu Əl-Sultan Süleyman Şah” və “Firqətu Əl-Həmzə” adlı iki silahlı qruplaşmaya qarşı sanksiya tətbiq etdiyini açıqlayıb. Bildirilir ki, Amerika hökuməti Hələb vilayətində yerləşən Afrin şəhərindən kürdləri qovmaq, əmlaklarını müsadirə etmək, kürdlər, yezidilər və Afrin bölgəsinin bəzi digər sakinlərinin geri qayıtmasının qarşısını almaq ittihamı ilə bu iki qruplaşmaya sanksiya tətbiq edib.
İŞİD terror qruplaşmasının cəbhə komandirlərindən biri Suriya Demokratik Qüvvələrinin Deyr əz-Zor vilayətindəki xüsusi təyinatlı dəstəsi tərəfindən həbs edilib.
Suriya ordusu Həsəkə vilayətinin şimalında Təll Əz-Zəhəb bölgəsi yaxınlığında Amerika işğalçı qüvvələrinin karvanını dayandırıb.
Suriya hökumətinin yanacağın qiymətini artırmaq qərarından sonra Dəraa və Suveyda əyalətlərinin sakinləri son bir neçə gündə etiraz aksiyaları keçiriblər.
Avqustun 18-də Türkiyə ordusunun dronları Hələb vilayətindəki Nubbul və Əz-Zəhra qəsəbələri yaxınlığında Suriya Demokratik Qüvvələrinə (SDQ) məxsus avtomobili hədəfə alıb və bu zaman SDQ-nin üç cəbhə komandiri həlak olub. Bununla bağlı əlavə təfərrüatlar açıqlanmayıb.
Livan Hizbullahının təhlükəsizlik qüvvələri Beyrutun cənubunda Dəməşqin Zeynəbiyyə rayonunda terror partlayışının baş verdiyi yeri mühasirəyə aldıqdan sonra axtarışda olan terrorçu gizləndiyi binanın yeddinci mərtəbəsindən özünü aşağı atmağa qərar verib.
Suriya terrorçularına yaxın mənbələr Amerika koalisiyasının dəstəyi ilə Suriya ordusunun Deyr əz-Zor əyalətindəki konvoylarına və müqavimət cəbhəsinin mövqelərinə hücum etmək üçün “Burkan Əl-Furat” adlı qruplaşmanın yaradıldığını açıqlayıb. Bu xəbərin Amerikanın Suriyada hərbi hərəkətlərinin artması və bəzi suriyalı qəbilələrlə görüşləri ilə eyni vaxtda dərc olunması bəzi fərziyyələri gücləndirir; Amerika suriyalı qəbilələri regionda öz piyadalarına çevirmək niyyətindədir?
“Əl-Muqavəmə Əş-Şəbiyyə Fi Əl-Məntəqə Əş-Şərqiyyə” dəstəsi bəyanat dərc edərək, Suriyanın şərqində Amerika koalisiyasının üç bazasına hücuma görə məsuliyyəti öz üzərinə götürüb.
İŞİD terror qruplaşmasının Əl-Məyadin ətrafında suriyalı əsgərləri daşıyan avtobusa hücumu nəticəsində azı 20 Suriya əsgəri şəhid olub, 10-u yaralanıb.
