Çin Milli Neft Şirkəti “CPEIC” Taliban hökumətinin rəsmiləri və Çinin Kabildəki səfirliyinin nümayəndəsinin iştirakı ilə ilk dəfə Sərepol vilayətinin mərkəzi Qaşqari məntəqəsində yerləşən 21 nömrəli quyudan eksperimental neft hasilatına başlayıb.
ABŞ prezidentinin son açıqlamaları onların Əl-Qaidənin yüksək rütbəli üzvləri ilə bağlı Talibanla sövdələşmələrinin daha bir sübutudur. Bu məsələ ona gətirib çıxarıb ki, Taliban müxalifəti onları Amerikanın Vaqneri hesab edərək, tənqid ediblər.
Talibanın xarici işlər naziri Əmir Xan Müttəqi Kabildə Britaniyanın Əfqanıstandakı səfirliyinin müvəqqəti işlər vəkili Robert Çatterton Dikson ilə görüşüb və Talibanın tanınması, Britaniyadakı əfqan mühacirlərin problemləri və ölkənin Taliban müxalifətinə dəstək verməməsi barədə danışıb.
Taliban hökumətinin müdafiə naziri Moləvi Məhəmməd Yaqub Mücahid Həcc ziyarətində iştirak etmək üçün Səudiyyə Ərəbistanına səfəri zamanı bu ölkənin vəliəhdi Məhəmməd bin Salman ilə öncədən elan olunmamış görüşdə görüşüb və ümumi maraq doğuran məsələləri müzakirə edib. Hələlik Moləvi Məhəmməd Yaqub Mücahidin bin Salman ilə söhbətinin dəqiq təfərrüatları dərc olunmayıb, lakin o, yəqin ki, bu görüşdə […]
Birləşmiş Millətlər Təşkilatının Əfqanıstandakı nümayəndəliyinin hesabatına əsasən, son iki ildə yüzlərlə qadın və uşaq da daxil olmaqla 3774 mülki şəxs öldürülüb və yaralanıb.
Paktika vilayətinin Angur Ada sərhəd-keçid məntəqəsində Taliban və Pakistan sərhədçiləri arasında baş vermiş sərhəd toqquşması nəticəsində cəbhə komandirlərindən biri də daxil olmaqla 6 Taliban silahlısı və beş pakistanlı əsgər öldürülüb və yaralanıb.
Əfqanıstanın şərqində yerləşən Nənqərhar əyalətinin sərhədyanı ərazilərindən birində naməlum şəxslər tərəfindən əldəqayırma partlayıcı qurğu ilə Camaat-ül-Əhrar Pakistan qruplaşmasının yüksək səviyyəli komandirlərindən olan Atif Mehmənd və Qari İmran Orakzai sui-qəsdə məruz qalıb.
Əfqanıstanın Kunar əyalətinin mərkəzi Əsədabad şəhərində Taliban silahlıları arasında baş verən daxili qarşıdurma nəticəsində kəşfiyyat və təhlükəsizlik komandanlığının və Taliban qubernatorluğunun bir neçə silahlısı öldürülüb və yaralanıb. Bu daxili münaqişənin səbəbi Kəşfiyyat İdarəsinin silahlı şəxslərinin və Taliban təhlükəsizlik komandanlığının Kunarda Taliban qubernatoru tərəfindən odun qaçaqmalçılığının qarşısının alınmasıdır.
Taliban silahlıları 2021-ci ilin avqustundan Əfqanıstanda hökumətə nəzarəti ələ keçirdikdən sonra Əfqanıstanın qonşuları ilə azı 26 dəfə toqquşub. Bu münaqişələr onlarla iranlı, pakistanlı, əfqan və digər mülki şəxslərin və sərhədçilərin həlak olması və yaralanması ilə nəticələnib.
Yüzlərlə pakistanlı mühacir Təxar əyalətinin Xacə Bahauddin rayonunda yerləşən Noabad kəndinə hücum edərək bu kəndin evlərini və torpaqlarını qəsb etmək üçün kənd sakinləri ilə toqquşub.
Sərepol qubernatorunun müavini Molla Nadere Daiş-in göstərişi ilə Taliban silahlıları Bəlxab şəhərindəki Duhnə bazarını yandıraraq ticarət obyektlərinə ciddi ziyan vurublar.
Taliban və terrorçu qrupların, o cümlədən Əl-Qaidə və Təhrik-e-Taliban Pakistan (TTP) və s. əməkdaşlığı təkcə Əfqanıstanda onlara əsas hökumət vəzifələrinin verilməsi ilə məhdudlaşmır. Belə ki, ölkənin daxili işlər naziri, Taliban hökuməti və Taliban – Əl-Qaidə əlaqələrinin yüksək səviyyəli tərəfdarı Siracuddin Həqqani, Əfqanıstandakı terror qruplaşmalarının ailələrinə əfqan doğum şəhadətnamələri və pasportları, daha yaxşı yaşamaq üçün onlara Əfqanıstanın bəzi bölgələrində torpaq, aylıq maaş və digər imkanlar verib.
