Əfqanıstanda və Pakistanda baş verən son hadisələr, 5 İyun 2022

1- Bədəxşan:

– Mayın 31-də Təqab şəhərində Taliban əməliyyatı zamanı Əhməd Məsud qüvvələrinin 4 üzvü öldürülüb.

– İyunun 1-də Taliban silahlıları Bəharək və Feyzabad şəhərlərindən gəncləri zorla cəlb edərək Əhməd Məsud qüvvələrinə qarşı döyüşmək üçün Pəncşirə göndəriblər.

2- Bəğlan:

– Mayın 28-də Taliban silahlıları Azadlıq Cəbhəsi qüvvələri ilə əməkdaşlıq etdiyi iddiasıyla Əndərab şəhərindən 70 ailəni qovublar.

– Mayın 30-da Xost və Fərəng şəhırlərinin Xavuş dərəsində Əhməd Məsudla Taliban arasında baş verən toqquşmada 11 Taliban üzvü öldürülüb, 4-ü isə yaralanıb.

– Mayın 31-də Nəhrin şəhərinin Şiş Dərə məhəlləsində Əhməd Məsudla Taliban silahlıları arasında baş verən toqquşmada beş Taliban üzvü öldürülüb, dörd nəfər yaralanıb.

– Mayın 31-də Əndarab şəhırinin Arezoo dərəsində Əhməd Məsud ilə Taliban arasında baş verən toqquşmada altı Taliban üzvü öldürülüb və yaralanıb.

– İyunun 1-də Nəhrin şəhərinin Pəncşirlilər məhəlləsində Taliban silahlıları və Əhməd Məsud qüvvələri ilə toqquşma nəticəsində 11 taliban üzvü, o cümlədən Talibanın Qırmızı Bölmə komandirlərindən biri “Qari Hilal” və naməlum sayda Əhməd Məsud qüvvələri və cəbhə komandirlərindən biri “Polkovnik Əbdüləziz” öldürülüb.

3- Pəncşir:
– Mayın 30-da bu əyalətin mərkəzi olan Bazarək şəhərinin Astana bölgəsində Əhməd Məsud qüvvələrinin Taliban karvanına təşkil etdiyi pusquda Loqar Mücahidin Bölməsinin cəbhə komandiri Molla Zərqavi Loqari də daxil olmaqla doqquz Taliban üzvü öldürülüb, altısı isə yaralanıb.

– Mayın 31-də Taliban silahlıları Dəşt-e-Riot bölgəsində və Xanac rayonunda 90-dan çox mülki şəxsi Əhməd Məsud qüvvələri ilə əməkdaşlıq etməkdə ittiham edərək həbs ediblər.

4- Sərepol:
Mayın 30-da Bəlxab şəhərində Moləvi Mehdinin (Talibandan ayrılmış həzarə komandiri) tabeliyində olan silahlılarla bu şəhərin Taliban qubernatorluğunda olan silahlıları arasında baş verən qarşıdurmada 4 nəfər ölüb, 8 nəfər yaralanıb. Talibanın mərkəzi bürosu Şiə Üləma Şurasına və Bəlxab ağsaqqallarına mesaj göndərərək Moləvi Mehdinin təhvil verilməsini tələb edib.

5- Fərah:
Bir qrup iş adamı, investor və Ticarət və İnvestisiya Palatasının nümayəndələri Talibana ünvanladıqları məktubda Əbu ən-Nəsr Fərahi sərhəd terminalının yenidən açılmasını istəyiblər. Bu tələbdən sonra İran və Taliban Əbu ən-Nəsr Fərahi sərhəd-keçid məntəqəsini ticarət-tranzit terminalına çevirmək barədə razılığa gəliblər.

6- Qəndəhar:
– Mayın 29-da Azadeqan Cəbhəsinin qüvvələri Cari şəhərində Pəncşir əyalətində Talibanın hərbi müşaviri Molla Dədə Can kimi tanınan Molla Naimə sui-qəsd təşkil edərək öldürüblər.

– İyunun 4-də İranın Kabildəki səfirinin müavini Seyid Həsən Mürtəzəvi iqtisadi və ticarət heyəti ilə birgə Qəndəhar valisi Hacı Məhəmməd Yusif Vəfa və digər rəsmi şəxslərlə görüşmək üçün Qəndəhara səfər edib.

– Talibanın Helmənddəki qubernatoru Moləvi Talib kimi tanınan Moləvi Əbdül Əhəd bu qruplaşmanın lideri Molla Həbtullah Axundzadənin əmri ilə Talibanın Kamikadze Bölməsinin komandiri təyin edilib.

7- Kunduz:
İyunun 1-də naməlum silahlı şəxslər Kunduzun dördüncü rayonundakı Nasiri məhəlləsində keçmiş hökumətdəki Xalq Könüllülər komandiri Həbib Naserini qətlə yetiriblər.

8- Kabil:
– Mayın 27-də Taliban Daxili İşlər Nazirliyi narkotik vasitələrin qanunsuz dövriyyəsinin qarşısının alınmasında İranla əməkdaşlıq etdiyini açıqlayıb.

– Mayın 28-də İranın Kabildəki səfirinin müavini Seyid Həsən Mürtəzəvi Əfqanıstan və regiondakı hadisələri müzakirə etmək üçün keçmiş Əfqanıstan prezidenti Həmid Kərzai ilə görüşüb.

– Mayın 29-da Xeyrxanə bölgəsində Taliban nəzarət-keçid məntəqəsi yaxınlığında bombanın partlaması nəticəsində iki Taliban üzvü yaralanıb.

– Mayın 30-da Taliban lideri Molla Həbtullah Axundzadə Mədən Nazirliyinin 5 nazir müavinini korrupsiyaya görə işdən çıxarıb.

– Mayın 30-da “Taliban” BMT-nin bu qruplaşmanın “Əl-Qaidə” terror qruplaşması ilə əlaqələrə dair hesabatını rədd edib. Birləşmiş Millətlər Təşkilatı son hesabatında Əl-Qaidə rəhbərliyinin Taliban rəhbərliyinə beyət etməsini iddia etmişdir.

– İyunun 1-də Talibanın xarici işlər naziri Əmir Xan Muttəqi Hindistanı Kabildəki səfirliyini yenidən açmağa çağırıb. Bunun ardınca Hindistan səfirliyinin yenidən açılması üçün Talibanla görüşmək üçün Hindistan diplomatlarından ibarət ilk heyət Kabilə səfər edib.

– İyunun 2-də əvvəlki hökumətdə nəqliyyat naziri olmuş Həsən Mübarək Əzizi Əfqanıstana qayıdıb.

9- İyunun 29-da Birləşmiş Millətlər Təşkilatı “Əl-Qaidə” terror qruplaşmasının lideri “Əymən əz-Zəvahirinin” “Taliban” lideri “Molla Həbtullah Axundzadə”yə beyət etdiyini iddia edən hesabat dərc edib.

10- İran İslam Respublikası səfirliyinin nümayəndələri son günlərdə İranın humanitar yardımını Daykendi, Xost və Paktiya əyalətlərinin ehtiyaclı və terror hadisələri qurbanlarının ailələrinə paylayıblar.

11- Pakistan:
– Mayın 29-da BMT Təhlükəsizlik Şurası hesabat yayaraq, Pakistan Təhrik-e-Taliban (TTP) terror qruplaşmasının Əfqanıstanla cənub və şərq sərhədlərində 4000 silahlısının olduğunu açıqlayıb.

– Mayın 30-da Pakistanın keçmiş prezidenti İmran Xan Şahbaz Şərif hökumətinə qarşı etiraz yürüşü üçün açıq çağırış edib.

– İyunun 1-də Pakistan hökuməti ölkənin rəsmi müxbiri Əhməd Qureyşini işğal olunmuş Fələstinə səfər etdiyi və İsrail prezidenti ilə görüşdüyü üçün işdən çıxarıb.

– Pakistanın xarici işlər naziri Blaul Bhutto Zərdari Türkiyə mətbuatına açıqlamasında deyib: “Əfqanıstan tam iqtisadi çöküşlə üz-üzədir və əhalisinin 95%-dən çoxu yoxsulluq həddinin altındadır. Beynəlxalq ictimaiyyət Talibanla münasibətindən asılı olmayaraq humanitar böhranın qarşısını almaq və iqtisadi çöküşü azaltmaq üçün Talibanla birlikdə fəaliyyət göstərməlidir”.

Daha çox oxuyun:

Əfqanıstan və Pakistanda baş verən son hadisələr, 28 May 2022