Fələstində baş verən son hadisələr, 1 İyun 2022

– Son saatlarda İsrail təhlükəsizlik qüvvələri İordan çayının qərb sahilində 12 fələstinlini həbs edib.
– İvritcə olan “Maariv” qəzeti yazıb: İsrail ordusunun əsgərlərindən biri Qəzza zolağının cənubundakı İsrail ordusunun artilleriya bazasında M16 tipli olan şəxsi silahını itirib!
– İordaniyanın xarici işlər naziri Əymən əs-Səfədi Ramallahda Fələstin Milli İdarəsinin sədri Mahmud Abbasla görüşüb.
– İvritcə olan “Maariv” qəzeti yazıb: “İsraildə Fələstinlilərin son əməliyyatları dalğasından sonra sionistlərin silah daşıma istəkləri çox sayda artıb. Beləliklə, sionistlərin silah daşımaq tələbi təxminən 600% artıb!”
– Mayın 31-də İsrailin müharibə naziri Benni Qantz, Baş Qərargah rəisi Aviv Koxavi və bir neçə hərbi komandirlə birlikdə sionist ordusunun Kiprdə keçirdiyi manevrlə bağlı oraya səfər ediblər.
– ABŞ xarici işlər naziri Antoni Blinken Fələstin Milli İdarəsinin sədri Mahmud Abbasla telefonla danışıb.
– İyunun 1-də sionist rejim işğal altındakı Qüdsün İsaviyyə qəsəbəsində yaşayan Fələstin vətəndaşı Hatəm Əbu Riyalənin evini dağıdıb.

– İyunun 1-də “Ğufran Harun Hamid Varasne” adlı fələstinli qadın İordan çayının qərb sahilinin cənubunda, Əl-Xəlilin şimalında Əl-Ərub qaçqın düşərgəsi yaxınlığında İsrail hərbçiləri tərəfindən güllələnərək şəhid edilib.