Yəməndə baş verən son hadisələr, 21 Oktyabr 2023
Ənsarullahın nəzarəti altında olan bölgələrdə Yəmən xalqı Əl-Əqsa Fırtınası əməliyyatının başlamasından bəri dördüncü dəfədir ki, Fələstin xalqı və müqavimət qruplarına dəstək üçün toplaşaraq kütləvi nümayişlər keçirib.
1- Əlviyətu Əl-Vəd Əl-Həq qrupu (Ərəbistan yarımadasındakı müqavimət qruplarından biri) X səhifəsində (keçmiş Twitter) qısa mesajında Ənsarullahın son raket hücumunun hədəfinin Təl-Əvivdə Quş Dan bölgəsi olduğunu iddia etdi.
2- Əl-Hudəydə:
- Səudiyyə koalisiya qüvvələri son 48 saat ərzində Əl-Hudəydə əyalətinin cənub cəbhələrində atəşkəs rejimini 105 dəfə pozub.
- Səudiyyə koalisiyasının dronları son 48 saat ərzində iki dəfə Ənsarullahın Hays rayonundakı mövqelərini bombalayıb.
3- Sədəə:
- Son bir həftə ərzində Səudiyyə koalisiyasının qüvvələri Razeh və Şada rayonlarının sərhəd bölgələrini artilleriya hücumlarına məruz qoyub. Bu hücumlar nəticəsində 7 mülki şəxs yaralanıb.
- Səudiyyə koalisiyasının Haydan rayonunun Əl-Nəşuha bölgəsinə atdığı bombanın partlaması nəticəsində iki yəmənli uşaq şəhid olub.
4- Oktyabrın 20-də Yəmən xalqı Ənsarullahın nəzarəti altında olan bölgələrdə Əl-Əqsa Fırtınası əməliyyatının başlamasından bəri dördüncü dəfə Fələstin xalqına və müqavimət qruplarına dəstək olaraq toplaşaraq kütləvi nümayişlər keçirdilər.
5- Əbyən:
Oktyabrın 18-də Ahor rayonundakı Hizam əl-Əmni qüvvələrinin (Cənub Keçid Şurasına bağlı) komandanı Cəmil əl-Abdali naməlum silahlı şəxslərlə toqquşmada öldürülüb.
6- Həccə:
Yəmənin istefa vermiş hökumətinin Silahlı Qüvvələrinin Ali Baş Komandanı general-leytenant Saqir bin Əziz Midi rayonunun sahilində yerləşən Həccə əyalətinin adalarından birinə səfərdən qayıdarkən sui-qəsdə məruz qaldı. Bin Əziz bu sui-qəsd cəhdindən sağ çıxdı, lakin onun bəzi yoldaşları öldürüldü və ya yaralandı.
7- Eyn Əl-İnsaniyyə Statistika Mərkəzinin hesabatına əsasən, Səudiyyə koalisiyasının Yəmənə qarşı apardığı 3130 günlük müharibədə 18 min 273 nəfər şəhid olub, 30 min 913 nəfər yaralanıb. Həmçinin 15 hava limanı, 16 liman, 350 elektrik stansiyası və generator, 620 şəbəkə və birləşdirici stansiya, 3273 mənbə və su stansiyası, 2122 dövlət obyekti, 7739 yol və körpü, 412 zavod, 394 yanacaq tankeri, 12368 ticarət obyekti dağıdılıb və ya zədələnmişdir.
Rəy