Məhəmməd Əl-Zeyf “Əl-Əqsa Fırtınası” əməliyyatının başladığını elan edib

Qəssam batalyonlarının baş komandanı Məhəmməd Əl-Zeyf sionist rejimə qarşı “Əl-Əqsa Fırtınası” əməliyyatını elan edib və Fələstin xalqını İsrailə qarşı ümummilli oyanışa çağırıb və böyük əməliyyatın başlandığını elan edib.

Fələstinli komandirin sözlərinin xülasəsi belədir:

Biz əvvəllər onlara xəbərdarlıq etdiyimiz halda, etikafda olan qadınlara Məscidül-Əqsada hücum edərək bu məscidin müqəddəsliyini pozdular. İşğalçı düşmən Məscidül-Əqsaya çataraq İslam Peyğəmbərinin (s) merac etdiyi yerə hörmətsizlik etdi və sionist rejim işğalçıların cinayətləri nəticəsində bu il yüzlərlə fələstinli şəhid oldu və yaralandı.

Düşmən bizim humanitar əsir mübadiləsi təklifimizi qəbul etməyib və İordan çayının qərb sahilində gündəlik cinayətlər törətməkdə davam edir.

“Əl-Əqsa Fırtınası” əməliyyatının başladığını elan edirik. İşğal olunmuş ərazilərə doğru beş mindən çox raket atdıq.

Bu gündən etibarən sionist düşmənlə təhlükəsizlik sahəsində əməkdaşlıq (Fələstin Milli İdarəsi) sona çatacaq.

Bu gün millət yenidən yüksəliş, müqavimət və dönüş yolundadır. Qüds sakinlərini işğalçı düşmənə qarşı ayağa qalxmalarını tələb edirik. 1948-ci ildə işğal olunmuş ərazilərin sakinləri olan Əl-Nəqab, Əl-Cəlil və Əl-Multhutdan işğalçıların ayaqları altında olan torpaqları yandırmalarını tələb edirik.

Livan, İraq, Suriya və Yəməndəki İslami müqavimətdəki qardaşlarımızı Fələstindəki müqavimətə kömək etməyə çağırırıq. Ərəb müqavimətinin birləşmək və bir-birinə dayaq olmaq vaxtı çatıb. Hər kəsi Fələstin üçün kəfən geyinməyə dəvət edirik.

İşğala son qoymağın vaxtı çatıb. İslam və ərəb xalqlarından Fələstin sərhədlərinə doğru irəliləmələrini tələb edirik.

Daha ətraflı: Fələstin müqaviməti işğal olunmuş ərazilərə geniş raket hücumuna başlayıb + VİDEO