Amerika koalisiyası Suriyanın şimalında Türkiyə dronunu vurub + FOTO
Amerika koalisiyasının müdafiə sistemləri Suriyanın şimal-şərqində yerləşən bazada Türkiyə ordusuna məxsus dronu vurub.
“İslam Dünyası Xəbərləri” informasiya agentliyi saytının məlumatına görə, Amerika koalisiyasının Həsəkə vilayətində yerləşən Təl Baydar məntəqəsində olan bazasındakı müdafiə sistemləri Türkiyə ordusuna məxsus dronu ələ keçirib və vurub.
Bu kontekstdə silahlılara yaxın media Türkiyə ordusuna məxsus nişansız dronun Təl Baydar məntəqəsindəki Amerika koalisiya bazasının hava məkanına yaxınlaşdıqdan sonra amerikalılar tərəfindən vurulduğunu açıqlayıb.
Qeyd edək ki, bu, Amerika koalisiyasının son illərdə Suriyanın şimalında Türkiyə ordusunun hava təchizatlarına qarşı ilk hərəkətidir. Türkiyə ordusunun Suriyanın şimalında Suriya Demokratik Qüvvələrinin (SDQ) mövqelərinə dronlarla hücumları son bir neçə gündə, xüsusən də Ankarada Türkiyə Daxili İşlər Nazirliyinin binası qarşısında PKK əməliyyatçılarının törətdiyi terror aktından sonra artıb.
Rəy