Azadlıq Döyüşçüləri Təşkilatının silahlıları Kəşmirdə Hindistan ordusunun postuna hücum edib + FOTO

Azadlıq Döyüşçüləri Təşkilatının (Kəşmirdə fəaliyyət göstərən silahlı qruplaşmalardan biri) silahlıları Hindistan ordusunun Anantang bölgəsində yerləşən Kukarnaq məntəqəsindəki bazasına hücumu nəticəsində 1 hindistanlı əsgər həlak olub, 6 əsgər isə yaralanıb.

Azadlıq Döyüşçüləri Təşkilatı (TRF) açıqlamasında bu hücumu Pakistanın nəzarətində olan Kəşmirin Ravalkot bölgəsində sentyabrın 9-da öldürülən bu qruplaşmanın liderlərindən olan Mövlana Əbu Qasimin öldürülməsinə cavab olaraq qiymətləndirib. Bu qruplaşma hesab edir ki, onun öldürülməsi Hindistan kəşfiyyatçıları tərəfindən həyata keçirilib.