İsraildə etiraz aksiyaları; 88 sionist həbs olunub + VİDEO və FOTO

“İslam Dünyası Xəbərləri” informasiya agentliyi saytının məlumatına görə, iyulun 10-da İsrail Knesseti mübahisəli “Məhkəmə islahatları” qanun layihəsinin “Ağlabatan səbəblərin azaldılması” kimi tanınan əsas bəndini təsdiqləyib. Beləliklə, sionist rejimin Ali Məhkəməsinin səlahiyyət və təsir dairəsi azalacaq. Knessetin 64 üzvü bu maddənin lehinə, 56 nəfər isə əleyhinə səs verib.

Bu bəndin təsdiqindən sonra işğal olunmuş Fələstində ümumi etirazlar başlayıb və çoxlu sayda etirazçı küçələrə çıxıb, əsas yolları bağlayıb və avtomobillərin təkərlərini yandırıb və məhkəmə islahatları ilə bağlı qanun layihəsinin təsdiqi prosesinin dayandırılmasını tələb edib.

Digər sionist etirazçılar da İsrail Ali Məhkəməsi qarşısına və bir neçə başqa bölgədə toplaşaraq, İsrail polis qüvvələri ilə toqquşublar.

İvrit dilli mənbələrə görə, bu rejimin polisi işğal altındakı Fələstində məhkəmə islahatı qanun layihəsinə etiraz edən azı 88 şəxsi həbs edib. İsrail polisi su şırnaqları və gözyaşardıcı qazdan istifadə edərək etiraz aksiyalarına nəzarət etməyə çalışır.

Həmçinin, ivrit dilli Walla xəbər saytı elan edib: “Məhkəmə çevrilişinə qarşı nümayişlər Ben-Qurion beynəlxalq hava limanında, sionist rejimin başçısı İshaq Hersoqun evi və Amerikanın bu ölkədəki səfirliyi qarşısında keçirilməsi planlaşdırılır. Bu xəbərin yayımlanmasından sonra İsrail polisi Ben Qurion hava limanının Netanyahu hökumətinin məhkəmə çevrilişinə etiraz edənlər tərəfindən bağlanmasının qarşısını almaq üçün orada çoxlu sayda qüvvələrini yerləşdirdi”.

Qeyd edək ki, son həftələrdə işğal olunmuş Fələstinin müxtəlif şəhərlərində İsrail rejiminin baş naziri Benyamin Netanyahunun məhkəmə islahatları planına və bəzi qərar və addımlarına etiraz olaraq təşkil edilən ən böyük etiraz toplantıları keçirilib. Etirazçılar İsrailin yeni hökumətinin təklif etdiyi məhkəmə islahatlarının məhkəmə sisteminin müstəqilliyinə ölümcül zərbə vuracağına inanırlar, lakin Netanyahu və bu planın tərəfdarları məhkəmə sisteminin həddən artıq gücə malik olduğunu və qanunu icra edən orqanların fəaliyyətinə mane olduğunu iddia edirlər.