İordan çayının qərb sahilində İsrail hekzakopteri müqavimət qüvvələri tərəfindən vurulub + VİDEO və FOTO

“İslam Dünyası Xəbərləri” informasiya agentliyi saytının məlumatına görə, Fələstin müqavimət qüvvələri iyulun 2-i səhər saatlarında İsrail ordusuna məxsus hekzakopteri Cenin düşərgəsi üzərində hədəfə alıb.

Yerli mənbələrin məlumatına görə, bu casus hekzakopter Cenin düşərgəsi üzərində alçaq hündürlükdə patrul edir və bəzi əraziləri lentə alırmış. Müqavimət qüvvələri isə bunu, müşahidə etdikdə hədəfə alaraq vurub.

Hadisədən bir neçə dəqiqə sonra Fələstin İslami Cihad hərəkatının hərbi qolu olan Saraya Əl-Qüdsə bağlı olan Kətibə Cenin bu barədə açıqlama verib: “Fəth hərəkatının hərbi qolu olan Kətibə Cenin və Kətaib Şühəda Əl-Əqsa qüvvələri, İsrail hekzakopterini hədəfə alaraq onu vurmağa müvəffəq oldular və onu öz nəzarətlərinə götürdülər”.

Sionist radiosu İsrail ordusunun sözçüsünə istinadən elan edib ki, İsrail ordusu bu hekzakopterin vurulmasının səbəblərini araşdırır.