Bəşər Əsəd və Mişel Aun 14 ildən sonra görüşdü!

Livanın keçmiş prezidenti Mişel Aun iyunun 6-da quru səfəri zamanı Dəməşqə səfər edib və Suriya prezidenti Bəşər Əsədlə görüşüb və danışıb.

Bəşər Əsəd bu görüşdə deyib: “Livanın qüdrəti bu ölkənin siyasi və iqtisadi sabitliyindən asılıdır və Livan xalqı bu sabitliyi dialoq, prinsiplərə sadiqlik və razılaşma yolu ilə yarada biləcək”.

O, Livanın sabitliyinin Suriya və regionun xeyrinə olduğunu bildirərək, Auna xitab edərək dedi: “Suriya ilə Livan arasında qardaşlıq əlaqələrinin qorunub saxlanmasında mühüm rol oynadınız. Əminəm ki, Livan xalqı çətinliklər və problemlərin öhdəsindən gələcək, öz milli və qanunvericilik orqanlarının rolunu müəyyən edə biləcək”.

Bu görüşdə Suriya prezidenti həmçinin qeyd edib: “Livan və Suriyanın çətinliklərinə ayrı baxmaq olmaz. Bu yaxınlarda baş verən və Ciddə görüşündə özünü göstərən ərəb-ərəb yaxınlaşması Suriya və Livana müsbət təsir göstərəcək”.

Mişel Aun da bu görüşdə bildirib: “Livan xalqı bütün problemlərə baxmayaraq milli birliyə sadiqdir. İnanırıq ki, Suriya xalqının şüuru və öz ölkəsinə, ordusuna və hökumətinə olan inamı sayəsində Suriya çətin və təhlükəli bir mərhələdən keçib və Suriyanın rifahı Livan və Livanlılara təsir edəcək”.

Qeyd edək ki, Mişel Aun sonuncu dəfə Dəməşqə 2009-cu ildə səfər edib. Suriya böhranı illərində o, həmişə Bəşər Əsəd hökumətini dəstəkləyib, lakin prezidentliyi dövründə Suriyaya səfər etməyib. 14 ildən sonra Aun Livanın prezidentlik işləri üzrə keçmiş naziri Biar Raful ilə birlikdə Suriyaya səfər etdi və onu Suriyanın Livandakı səfiri Əli Əbdül Kərim qarşıladı.