Misirlə sərhəddə 3 sionist əsgər ölüb + VİDEO
“İslam Dünyası Xəbərləri” informasiya agentliyi xəbər verir ki, Misirlə sionist rejim arasındakı Nitzana sərhəd keçid məntəqəsi yaxınlığında sionist rejim qüvvələri ilə naməlum silahlı qüvvələr arasında baş verən silahlı qarşıdurma nəticəsində üç sionist əsgər həlak olub, bir neçəsi isə yaralanıb.
Sionist rejim mediası iyunun 3-də Misir sərhədi yaxınlığında bu rejim ordusunun patrulunun hücuma məruz qaldığını və bir neçə sionist əsgərin ağır yaralandığını bildirib.
Sionist rejim ordusu həmçinin Misirlə sərhəddə Nitzana keçidi yaxınlığında sionist əsgərlər ilə silahlı şəxslər arasında atışma baş verdiyini açıqlayıb və bu hadisədə 3 sionist əsgərin həlak olduğunu və bir neçəsinin yaralandığını bildirib. Sionist rejim ordusunun iddiasına görə, Misirlə sərhəddə baş verən hazırkı insident təhlükəsizlik xarakteri daşıyır və cinayət deyil və hələ də bitməyib və bu hadisə Qəzza zolağının cənubunda yerləşən Rəfah şəhərinin 40 kilometrliyində baş verib.
Hələlik yaralılardan ikisi Beerşebadakı Soruka xəstəxanasına yerləşdirilib. Həmçinin sionist rejim ordusu bu bölgəyə çoxlu sayda dəstək qüvvələri göndərib. Bu ərazi hərbi nəzarət və müşahidə altında olduğu üçün bununla bağlı daha ətraflı məlumat verilməyib və hazırda əlavə təfərrüatların dərcinə icazə verilmir.
Qeyd edək ki, Əl-Cəzirə kanalı sionist rejim radiosuna istinadən bu rejimin işğal etdiyi əraziyə daxil olan və 3 sionist əsgəri öldürən şəxsin Misir polisi olduğunu təxmin etdiyini xəbər verib.
Rəy