Hizbullah İsrail ordusunun Livandan çıxarılmasının ildönümü ərəfəsində hərbi təlim keçirib + FOTO və VİDEO

Livan Hizbullah qüvvələri mayın 21-də Müqavimət Bayramı ərəfəsində bu ölkənin cənubunda yerləşən Melita bölgəsində hərbi təlim keçirib. Hizbullaha yaxın mənbələrə görə, bu təlimi işıqlandırmaq və əks etdirmək üçün Livan, Ərəb və xarici mediaların 500-dən çox üzvü iştirak edib.

Bu təlimin bir hissəsində İsrail əsgərlərini ələ keçirmək üçün sionist yaşayış məntəqəsinə hücum və sionist yaşayış məntəqələrinə dron hücumu simulyasiya edilib.

Livan Hizbullahının İcraiyyə Şurasının rəhbəri Seyid Haşim Seyfuddin Hizbullah təlimində iştirak edərkən deyib: “Qəzzada Azadələrin İntiqamı döyüşündə düşmənin yeni tənlik qura bilməməsinin və uğursuzluğunun şahidi olduq. Əgər düşmən təcavüz dairəsini genişləndirmək fikrindədirsə, müqavimət elə bir şəkildə cavab verməyə hazırdır ki, düşmənin reaksiya vermək və cavab vermək gücü olmasın. Sionist düşmən oyun qaydalarından yan keçmək üçün axmaq bir hərəkət etsə, onun varlığının qəlbində dəqiq raketlərin necə zərbə endirdiyini görəcək”.

O bildirib: “Bu təlimin məqsədi Livana dəstək verməkdə Hizbullahın hazırlığını və çəkindiriciliyini nümayiş etdirməkdir. Müqavimət cəbhəsi İrandan Livan və Fələstinə qədər genişlənir. Şəhid Süleymani müqavimət cəbhəsinin yaradıcısıdır. Tam qələbəyə qədər silah müqavimətin əlində qalacaq”.

Bu təlimin dərc olunmuş görüntülərində 84 raket atmağa qadir olan MLRS raket buraxılış qurğusunu görmək olar. Həmçinin Hizbullah qüvvələri ilk dəfə olaraq dronlar və mikroquşlarla mübarizə və bu mərasimin təhlükəsizliyini qorumaq üçün təlimdə açıq şəkildə dronlara qarşı silahlardan istifadə edib.

Qeyd edək ki, 2000-ci il mayın 25-də sionist rejim Hizbullah önündə ağır məğlubiyyət əldə edərək Livanın cənubundan geri çəkilməli olmuşdur. Bu gün Livanda Müqavimət bayramı kimi tanınır və livanlılar İsrail ordusunun 1978-ci ildən işğal altında olan bu ölkənin ərazisindən çıxarılmasını qeyd edirlər.