Suriya Ərəb Liqasına qayıtdı

Suriyanın bu liqada üzvlüyünün dayandırılmasını aradan qaldırmaq məqsədi ilə mayın 7-də Qahirədə Ərəb Liqasının xarici işlər nazirlərinin toplantısı keçirilib. Bu görüşün əvvəlində Misirin xarici işlər naziri Sameh Əş-Şukri bəyan edib ki, Suriya böhranının bütün mərhələləri sübut etdi ki, bu böhranın hərbi həlli yoxdur və həll siyasi olmalıdır. Xarici diktə olmadan bu siyasi həllin əldə edilməsində əsas məsuliyyət Suriya hökuməti və milli qüvvələrdir. Suriyada terrorun bütün formalarına qalib gəlmək lazımdır”.

İraq Xarici İşlər Nazirliyinin sözçüsü Əhməd Əl-Səhaf da bu görüşdə Suriyanın Ərəb Liqasına qaytarılmasının razılaşdırılacağını vurğulayıb. Daha sonra Ərəb Liqasının sözçüsü ərəb ölkələrinin xarici işlər nazirlərinin Suriyanı Ərəb Liqasındakı kürsüsünə qaytarmaq qərarına gəldiyini də açıqlayıb.

Bu görüşdən əvvəl İordaniyanın xarici işlər naziri Əymən Əs-Səfədi CNN kanalı ilə söhbətində Ərəb Liqası üzvlərinin ilkin razılığına əsasən, Suriyanın Ərəb Liqasına qayıtması ehtimalının böyük olduğunu bildirmişdir.

Daha çox oxuyun: İordaniya Xarici İşlər Naziri: Suriyanın Ərəb Liqasına qayıtması çox böyük ehtimaldır

Qeyd edək ki, 2011-ci ilin noyabrında Suriya böhranının başlamasından bir neçə ay sonra Qətər və Səudiyyə Ərəbistanının o vaxtkı hökuməti kimi bəzi ərəb ölkələri Suriyanın Ərəb Liqasına üzvlüyündən imtina etmək qərarına gəlmişdilər. Həmçinin onlar, Ərəb Liqasının Sülh Planının müddəalarını siyasi həll yolu ilə tapmaq bəhanəsi ilə Suriya hökumətinin Liqadakı fəaliyyətini dayandırmışdılar.