Yəməndə baş verən son hadisələr, 25 Mart 2023

1- Mərib:
Hərib Cəbhəsində Əl-Əmaliqə ilə Ənsarullah qüvvələri arasında baş verən qarşıdurma zamanı Əl-Əmaliqə qüvvələrinin 46 nəfəri ölüb və yaralanıb. Ənsarullah hərəkatının itkiləri və dağıntıları ilə bağlı təfərrüatlar açıqlanmayıb. Bu qarşıdurma Əl-Əmaliqə qüvvələrinin Hərib rayonu kənarındakı bəzi yerlərdən, o cümlədən Cəbəl Əl-Yəhmum, Cəbəl Cəndələ, Meymənə, Ərak, Şərq, Əl-Sih və Hirurdan çıxarılmasından və Ənsarullah qüvvələrinin bu ərazilərə yerləşdirilməsindən sonra başlayıb. Hazırda Ənsarullah bu bölgənin əksər məntəqələrindən geri çəkilib. İki tərəf arasında ara-sıra toqquşmalar baş verib. Səudiyyə koalisiyasına bağlı media iddia edir ki, Əl-Əmaliqə qüvvələri qalan məntəqələrin geri alınması əməliyyatına hazırlaşır, lakin indiyədək bu qrupdan heç bir hərəkət müşahidə edilməyib.

2- Şəbvə:
Martın 23-də Hərib rayonundan onlarla ölü və yaralı əsgərin Asilan və Bihan rayonlarına daşınmasından sonra bu rayonlardakı klinikalar Yəmənin istefa vermiş hökumətindən təcili yardım və tibbi ləvazimat tələb edib. Həmçinin, Əl-Əmaləqə qüvvələrinin itkilərinin bir qismi Ətəq şəhərinə və Mərxə Əl-Sufla rayonuna göndərilib.

3- Əbyən:
Martın 18-də İslah partiyası silahlıları və Əl-Qaidə üzvlərindən ibarət Səudiyyəyönlü qüvvələr Mudiya rayonunda Vadi İmranın qərb və şərq bölgələrinin əksəriyyətində yerləşdirildi. Bu irəliləyiş Cənub Keçid Şurasının silahlı qüvvələrinin Əl-Qaidə üzvlərinə qarşı yol kənarındakı bombalar və pusqularla mübarizə apara bilmədiyi üçün mühüm olan Vadi İmran bölgəsindən geri çəkildikdən sonra edilib.

4- Ədən:
Martın 21-də naməlum silahlı şəxslərin Ədən hava limanına hücumu nəticəsində Hizam Əl-Əmni hava limanının təhlükəsizlik bölməsinin komandiri (Cənub Keçid Şurasına bağlı) Əbdül Səməd Əl-Öməri ağır yaralanıb. Bu münaqişə Cənub Keçid Şurası tərəfindən Ras-İmran bölgəsindəki səhra ərazilərinə nəzarət edilməsi nəticəsində həyata keçirilib və indiyədək heç bir şəxs və ya qrup buna görə məsuliyyəti üzərinə götürməyib.

5- Həzərmut:
Martın 23-də Sion şəhərinin mərkəzi xəstəxanası qarşısında səudiyyəyönlü silahlılar və Mərib qəbilələri arasında baş verən toqquşma nəticəsində hər iki tərəfdən 5 nəfər həlak olub.

6- Sokotra arxipelaqı:
Martın 20-də bəzi yerli mənbələr BƏƏ qüvvələrinin Əbdül Kuri adasından çıxarılaraq Səudiyyə ordusuna təhvil verildiyini bildirib. Bu mənbələrə görə, bu addım Səudiyyə Ərəbistanının Cənub Keçid Şurasını məhdudlaşdırmaq üçün BƏƏ-yə təzyiqindən sonra atılıb.

Daha çox oxuyun: BƏƏ Əbd Əl-Kuri adasının sakinlərini məcburi təxliyə edib

7- Əl-Hudəydə:
– Səudiyyə koalisiya qüvvələri bu əyalətdə son 48 saat ərzində atəşkəs rejimini 122 dəfə pozub.
– Son 48 saat ərzində Səudiyyə koalisiyasının pilotsuz təyyarələri iki dəfə Əl-Cəbəliyyə bölgəsini, bir dəfə isə Ənsarullahın His rayonundakı mövqelərini bombalayıb.

8- Yerli mənbələrin Yəmənin Qurtuluş Hökumətinin rəsmilərinə istinadən verdiyi xəbərə əsasən, Yəmənin Qurtuluş Hökuməti ilə Səudiyyə koalisiyası arasında Sənaadan Ədən və Ər-Riyada və əksinə bir neçə uçuş həyata keçirməklə əsirlərin mübadiləsinə dair razılıq əldə olunub. Mübadilə 11 aprel Beynəlxalq Qırmızı Xaç və Birləşmiş Millətlər Təşkilatı arasında komitənin nəzarəti altında həyata keçiriləcək.