İranın xarici işlər naziri Suriya prezidenti ilə görüşüb + FOTO

İran İslam Respublikasının xarici işlər naziri Hüseyn Əmir Abdullahian yanvarın 14-də Suriyanın paytaxtı Dəməşq hava limanına daxil olub və onu suriyalı həmkarı Feysəl Əl-Miqdad qarşılayıb.

Dəməşqə səfər etdikdən bir neçə dəqiqə sonra o, Suriya prezidenti Bəşər Əsədlə görüşüb və söhbət edib. Bəşər Əsəd bu görüşdə deyib:

“Dəməşq İranla davamlı şəkildə əlaqə saxlamaqda və mövqelərinin koordinasiyasında maraqlıdır, xüsusən də İran İslam Respublikası terrorizmə qarşı müharibədə Suriya xalqının yanında olan ilk ölkələrdən biridir. Koordinasiya indiki zamanda çox vacibdir.”

İranın xarici işlər naziri Əsədlə görüşündə Suriyanı mühüm və nüfuzlu ölkə hesab edib və vurğulayıb:

“İki İran və Suriya ölkəsi eyni səngərdə dayanıb. İran Suriyanın mövqe və qərarlarına tam etibar edir və hesab edir ki, Suriya ilə Türkiyə arasında istənilən dialoq və danışıqlar hər iki ölkənin və regionun xeyrinə müsbət addımdır.”

Bu görüşdə Suriyanın xarici işlər naziri Feysəl Əl-Miqdad, İranın Dəməşqdəki səfiri Mehdi Sobhani, İran Xarici İşlər Nazirliyinin sözçüsü Nasir Kənani, Xarici İşlər Nazirinin xüsusi siyasi məsələlər üzrə baş müşaviri Əli Əsgər Xaci və nazirin köməkçisi və Xarici İşlər Nazirliyinin Qərbi Asiya və Şimali Afrika bölməsinin baş direktoru Mehdi Şüştəri iştirak edib.

Abdullahian Bəşər Əsədlə görüşdən sonra Suriyanın xarici işlər naziri Feysəl Əl-Miqdadla görüşüb və danışıb. Birgə mətbuat konfransında o, Dəməşqdə olmasından və həmkarına minnətdarlığını bildirərkən, Bəşər Əsədlə görüşündə mühüm ikitərəfli məsələləri, regional və beynəlxalq strateji məsələləri müzakirə və fikir mübadiləsi apardığını bildirərək deyib:

“Cənab Bəşər Əsəd cənab Rəisini Dəməşqə səfərə dəvət etdiyini vurğuladı. Çalışacağıq ki, gələcəkdə bu səfəri təşkil edək”.

İran İslam Respublikasının xarici işlər naziri Livanın Əl-Mənar kanalının jurnalistinin Suriya ilə Türkiyə arasında aparılan danışıqlarla bağlı sualına cavab olaraq deyib:

“Türkiyə və Suriya regionun iki mühüm ölkəsidir. İranın hər iki ölkə ilə mühüm əlaqələri var. Türk hərbi qüvvələrinin Suriyanın şimalına hərbi hücuma keçmə ehtimalının olduğu bizə bildirildikdə, yeni müharibənin və hərbi hücumun qarşısını almaq üçün tənliyə girdik. Suriya ilə Türkiyə arasında yaxınlaşma və problemlərin həlli üçün öz diplomatik səylərimizi davam etdirəcəyik.“

Suriyanın xarici işlər naziri birgə mətbuat konfransında bildirib:

“İran-Suriya münasibətləri strateji xarakter daşıyır və biz onların yaxın günlərdə dərinləşməsinin şahidi olacağıq. Biz İran-Suriya münasibətləri üçün yeni bir yola başlamaq üçün görüşürük. Təsəvvür edin, əgər Suriyanın İslam Respublikası kimi müttəfiqi olmasaydı, nə baş verərdi. Qərbin iki ölkəyə qarşı qeyri-qanuni və zülmkar sanksiyalarına qarşı çıxmaq üçün iqtisadi və ticarət əlaqələrini genişləndirmək və bütün sahələrdə əməkdaşlığı artırmaq yollarını araşdıracağıq.“

Qeyd edək ki, İranın xarici işlər naziri yanvarın 12-də Livan və Fələstin rəsmiləri və şəxsiyyətləri ilə görüşmək üçün Livanın paytaxtına daxil olmuşdur. O, Livanın xarici işlər naziri Abdullah Bu-Həbib, Livan məsələlərinin inkişafı üzrə baş nazir Nəcib Miqati, Fələstin İslami Cihad Hərəkatının baş katibi Ziyad Nəxxalə və Livan Hizbullahının Baş Katibi Seyid Həsən Nəsrullah ilə görüşdən sonra Beyrutdan Dəməşqə yola düşmüşdür.

Daha çox oxuyun: İran xarici işlər nazirinin Livana səfəri