Türkiyə Rusiya ilə Suriya hava məkanından istifadə üçün danışıqlar aparır
“İslam Dünyası Xəbərləri” informasiya agentliyi xəbər verir ki, Türkiyənin müdafiə naziri bu ölkənin Suriyanın şimalındakı hava məkanından kürd silahlılarına qarşı mümkün əməliyyatlar üçün istifadə etmək üçün Rusiya ilə danışıqlar apardığını açıqlayıb.
Dekabrın 24-də Ankarada keçirilən mətbuat konfransında Türkiyənin müdafiə naziri Hulusi Akar bəyan edib ki, Suriyanın şimalında mümkün quru əməliyyatlar üçün Suriya hava məkanından istifadəyə icazə almaq üçün Türkiyə ilə Rusiya arasında danışıqlar davam edir.
O, bununla bağlı deyib:
“Biz Suriyanın şimalında mümkün yeni əməliyyatla bağlı bütün məsələlər, o cümlədən bu ərazilərin hava məkanının açılması ilə bağlı Rusiya ilə məsləhətləşirik”.
Bu məsləhətləşmə İran, Rusiya və ABŞ da daxil olmaqla regional və beynəlxalq tərəflərin uzun müddət öncə kürd silahlı birləşmələri ilə mübarizə bəhanəsi ilə Türkiyə ordusunun Suriyanın şimal bölgələrində yeni əməliyyata başlamasına qarşı olduqlarını bildirdikləri halda keçirilir.
Qeyd edək ki, son həftələr Türkiyə ordusu və onun dəstəklədiyi terrorçuların Suriyanın şimal bölgələrində Suriya Demokratik Qüvvələrinin (SDQ) mövqelərinə hava və artilleriya hücumları xeyli artıb. Bu məsələ Türkiyə rəsmilərinin Suriya ilə sərhəd bölgələrini təmizləmək təhdidləri ilə Suriyanın şimalında Türkiyənin yeni əməliyyat başlatması ilə bağlı fərziyyələri xeyli gücləndirir.
Daha çox oxuyun:
Hələbin şimalındakı son hərbi vəziyyət; Türkiyənin kürd silahlılarına qarşı əməliyyatının başlamasına saylı anlar qalıb?!
Rusiya kürd silahlılarından Türkiyə sərhədindən M4 magistralının cənubuna doğru çəkilməsini tələb edib!
Rəy