Səudiyyə Ərəbistanı və bahalı Patriot sistemləri!

Patriot sistemi aerodinamik və ballistik hədəflərə cavab verə bilən orta mənzilli hava hücumundan müdafiə sistemidir. Səudiyyə Ərəbistanı bu sistemin əsas istifadəçilərindən biridir və son illərdə bu sistemi və raketlərini geniş şəkildə alıb.

Bu sistem 1970-1990-cı illərdə Amerikanın Raytheon və Lockheed Martin şirkətləri tərəfindən dizayn və düzəldilmişdir. ABŞ ordusundan başqa Səudiyyə Ərəbistanı, İsrail, Qətər, Küveyt, Misir, İordaniya, Almaniya, Yunanıstan, Hollandiya, İspaniya, Yaponiya və Tayvan da bu sistemlə təchiz olunub. Bu ölkələr arasında Səudiyyə Ərəbistanı ABŞ-dan sonra işə götürülən sistemlərin sayına görə bu sistemin ikinci istifadəçisidir.

İran İslam İnqilabından sonrakı illərdə Səudiyyə Ərəbistanı İranla hərbi rəqabətinin səviyyəsini kəskin şəkildə artırıb. Səudiyyə koalisiyasının Yəmənə təcavüzünün başlaması və Ənsarullahın Səudiyyə ərazisinə qarşılıqlı hücumları ilə səudiyyəlilərin Patriot sistemindən asılılığı xeyli artdı. O dərəcədə ki, ölkə ABŞ və Yunanıstandan daha çox patriot sistemləri icarə götürməyə məcbur oldu.

Hər bir Patriot raketinin qiyməti növündən asılı olaraq 1-6 milyon dollar arasında qiymətləndirilir və Səudiyyə Ərəbistanı Patriot raketlərini almaq üçün 10 milyard dollardan çox pul xərcləyib.

Stokholm Beynəlxalq Sülh Araşdırmaları İnstitutunun (SIPRI) məlumatları göstərir ki, Səudiyyə Ərəbistanı bir neçə mərhələdə Patriot raketləri alıb.

Statistikaya görə, Səudiyyə Ərəbistanının “Patriot” sistemi üçün 2800-dən çox raket aldığı görünür.

Bu alışların təfərrüatları aşağıdakılardır:
1- 1993-1995-ci illərdə Patriot PAC-2 GEM raketləri, 384 ədəd mərmi
2- 1995-1997-ci illərdə PAC-2 GEM raketləri , 781 ədəd mərmi
3- 1998-1999-ci illərdə PAC-2 GEM raketləri , 629 ədəd mərmi
4- 2017-2019-ci illərdə PAC-3 MSE raketləri , 320 ədəd mərmi
5- 2019-2020-ci illərdə PAC-3 MSE raketləri , 130 ədəd mərmi
6- 2018-ci ildə Səudiyyə Ərəbistanı tərəfindən naməlum sayda Patriot PAC-3 raketləri sifariş edilib və indiyədək çatdırılır.

Konqres Müdafiə Əməkdaşlıq Agentliyinin məlumat bazası kimi digər mənbələrə baxış göstərir ki, Səudiyyə Ərəbistanı 2015-ci ildə 600 ədəd PAC-3 Patriot raketi sifariş edib.

ABŞ-ın Yəmən üzrə xüsusi nümayəndəsi Timoti Lander Kinq bu yaxınlarda etdiyi çıxışda Ənsarullahın 2021-ci ildə Səudiyyə ərazisinə 375 raket və PUA zərbəsi endirdiyini bildirib. Bu statistika Səudiyyə Ərəbistanının Ənsarullahla müdafiə qarşıdurmalarının əksəriyyətinin Patriot müdafiə sistemi vasitəsilə baş verdiyi eyni zamandadır. Beləliklə, Səudiyyənin “Patriot” raket arsenalı çox da uzaq olmayan gələcəkdə problemlərlə üzləşəcək və həmin raketlərin tədarükü ölkəyə daha bir neçə milyard dollar ziyanın dəyməsinə səbəb olacaq.

Bundan başqa, Patriot sistemi bəzi Ənsarullah əməliyyatlarında, məsələn, 14 sentyabr 2019-ci ildə İkinci Qarşılıqlı Balans Əməliyyatında zəif çıxış etdi. Bu hücumda Bəqiq və Xaris neftayırma zavodları Ənsarullahın uğurlu hücumları ilə hədəfə alındı ​​və Səudiyyə Ərəbistanının neft ixracı ciddi şəkildə pozuldu. Hücum bu ölkə iqtisadiyyatına böyük ziyanlar vurdu və Qərb ölkələri artan neft qiymətlərinə nəzarət etmək üçün şiddətlə çalışdılar.

Ümumilikdə, Patriot sisteminin Ənsarullah PUA və raketləri ilə mübarizəni davam etdirmək üçün milyardlarla dollar dəstəyə ehtiyacı var və buna Baydenin səudiyyəlilərə soyuq yanaşması mane olub. Ənsarullah indi Səudiyyə koalisiyasının mövqelərinə əvvəlkindən daha çox hücum edir, öz PUA-larını və raketlərinin dəqiqliyini artırır və Səudiyyə Ərəbistanı bu cür hücumlara qarşı çıxmaq üçün daha çox təchizat almağa məcburdur; Çünki Patriot raketlərinin kifayət qədər ehtiyatı olmasa, Ənsarullah davamlı hücumları ilə Səudiyyənin mühüm infrastrukturuna ciddi ziyan vura bilər.