Kapisada silahlı insident zamanı səkkiz nəfər ölüb və yaralanıb
“İslam Dünyası Xəbərləri” informasiya mərkəzi xəbər verir ki, Kapisa əyalətinin II Hesa şəhərində naməlum şəxslərin silahlı hücumu nəticəsində iki Taliban üzvü də daxil olmaqla 7 nəfər ölüb, daha biri yaralanıb.
Fevralın 14-də Kapisa vilayətinin II Hesa şəhərinin Camal Ağa bölgəsində, Volesi Cirqanın (Əfqanıstan Nümayəndələr Məclisi) keçmiş üzvü Həbib-ur-Rəhman Əfqanın ailəsinin toplaşdığı yerdə baş verən hücum zamanı, hadisə yerində olan şəxslər naməlum silahlı şəxslər tərəfindən güllələnib. Yerli medianın məlumatına görə, hücum zamanı Həbib-ur-Rəhman Əfqanın ən azı 5 qohumu və iki Taliban üzvü öldürülüb.
Amma Həbib deyir ki, hücumu Taliban komandiri Ağaqulun komandanlığı altında olan silahlı şəxslər həyata keçirib. Ağaqulun onun evini və əmlakını qarət etdiyini, avtomobilinə hücum edərək 5 qohumunu öldürdüyünü, bir nəfəri isə yaraladığını iddia edir. Həbib mərkəzi Taliban qüvvələrini təhqiqat aparmağa və cinayətkarları həbs etməyə çağırıb.
Hücuma görə məsuliyyəti heç bir qrup öz üzərinə götürməyib və Taliban sözçüsü Zabihullah Mücahid hücumla bağlı iki nəfərin həbs edildiyini bildirib.
Daha çox oxuyun:
Əhməd Məsud qüvvələri Əbdül Həmid Xorasaninin mühafizəçilərini öldürdü!
Rəy