Fələstində baş verən son hadisələr, 24 Avqust 2022

– Sionist televiziyası Şabak rəhbərinin Misirə səfəri və yaxın vaxtlarda bu ölkə rəsmiləri ilə görüşünün mümkünlüyünü açıqladı.
– Sionist rejim televiziyasının 12-ci kanalı elan edib ki, rejimin daxili təhlükəsizlik xidməti Şabak Fələstin Milli İdarəsinin rəhbəri Mahmud Abbasa qarşıdan gələn Knesset seçkilərinə fələstinlilərin hər hansı müdaxiləsi ilə bağlı xəbərdarlıq edib.
– Avqustun 23-də iki həftə əvvəl işğalçı İsrail qüvvələrinin bu şəhərə hücumu zamanı yaralanan gənc fələstinli Nablus sakini “Məhəmməd Ərayişə” aldığı xəsarətlərin ağırlığından şəhid olub.
– Avropa Birliyinin xarici əlaqələr və təhlükəsizlik məsələləri üzrə sözçüsü vurğuladı ki, beynəlxalq qanunlara, insan haqlarına və demokratiyaya hörmət edən Fələstin vətəndaş cəmiyyəti institutlarını dəstəkləməyə davam edir.
– Birləşmiş Millətlər Təşkilatı bir daha İsrailin işğalçı qüvvələri tərəfindən güllələnərək şəhid olmuş fələstinli jurnalist Şirin Əbu Aqilənin şəhadəti ilə bağlı hərtərəfli araşdırmaya çağırıb.
– Avqustun 22-də İbrani mediaları ifratçı sionist xaxamı və Şas partiyasının lideri Şalom Kohenin 91 yaşında vəfat etməsi barədə məlumat yayıblar.
– Avqustun 21-də Ramallahın şərqində, İordan çayının qərb sahilində yerləşən Selvad kəndi yaxınlığında sionist mühacirlər daşıyan avtobus bu gün səhər saatlarında Fələstin müqavimət qüvvələri tərəfindən atəşə tutulub. Bu hadisə nəticəsində ölən olmayıb.

– Müvəqqəti həbsinin uzadılmasına baxmayaraq, fələstinli məhbus Xəlil Əvavidə hələ də azad olunana qədər aclıq aksiyasını davam etdirməkdə israrlıdır.
– Fələstin mətbuatının məlumatına görə, 723 fələstinli məhbus sionist rejim həbsxanalarında müvəqqəti həbsdədir ki, bu da 2008-ci ildən bəri fələstinlilərin müvəqqəti saxlanma hallarının ən yüksək göstəricisidir.
– Avqustun 23-də fələstinli gənclər Əl-Xəlilin şimalında yerləşən Beyt Əmr qəsəbəsinin girişində İsrail ordusunun müşahidə qülləsini yandırıblar.
– HƏMAS İslami müqavimət hərəkatı bir daha sionist rejimlə münasibətlərin normallaşdırılmasının bütün növlərinə qəti şəkildə qarşı olduğunu vurğuladı.
– Sionist rejimin müharibə naziri Benni Qantz yaxın günlərdə Amerikaya getməyə hazırlaşır.
– Ötən 24 saat ərzində 14 fələstinli sionist rejimin təhlükəsizlik qüvvələri tərəfindən İordan çayının qərb sahilində anti-İsrail əməliyyatları keçirməyə cəhd ittihamı ilə həbs edilib.
– Avqustun 23-də Türkiyədə səfərdə olan Fələstin Milli İdarəsinin rəhbəri Mahmud Abbas bu ölkənin prezidenti Rəcəb Tayyib Ərdoğanla görüşüb.