Afrikada baş verən son hadisələr, 4 fevral 2022

1- Nigeriya:

• Yanvarın 29-da İŞİD silahlıları Berno əyalətinin Aciri şəhərində Nigeriya ordusunun nəzarət-buraxılış məntəqəsinə hücum ediblər.
• Fevralın 1-də Bama və Mairi şəhərlərinə gedən yolda Nigeriya ordusunun patrul maşınları İŞİD terrorçularının hücumuna məruz qalıb.
• Fevralın 2-də Nigeriya ordusunun yüksək rütbəli komandiri Malia Səid beş hərbiçi ilə birlikdə Berno əyalətinin Niqomi şəhərinin yaxınlığında İŞİD-in pusqusunda öldürülüblər. (Yuxarıdakı şəkil)
• Fevralın 3-də Nigeriyada bir neft tankeri naməlum səbəbdən partlayıb. Partlayış nəticəsində 10 ekipaj üzvü itkin düşüb və təxminən 50 000 barel neft yanıb.
• Fevralın 4-də Nigeriya Ordusunun qırıcı təyyarələri Berno əyalətinin Marta, Jubularam və Kualaram bölgələrində İŞİD və Boko Haramın mövqelərini bombalayıb.

2- Burkina Faso:

Yanvarın 30-da Fransa ordusu ölkənin şimalında Burkina-Faso ordusu ilə birgə əməliyyatda 60-a yaxın cihadçının öldürüldüyünü açıqlayıb.

3- Mozambik:

İŞİD-in Kabudelqado əyalətindəki Matimo adasına silahlı hücumu nəticəsində, ada sakinləri qaçmağa məcbur olub, İŞİD sakinlərin əmlakını qarət edərək 60-dan çox ev və 5 qayığı yandırıb.

4- Mali:
Yanvarın 31-də Mali Ordusu bəyanat yayaraq, Mupta, Seqo, Şikasu və Nara bölgələrində “Əl-Qaidə”, “Nüsrət İslam vəl-Musilin” terror qruplaşmalarının bir neçə bazasının məhv edildiyini açıqlayıb. Əməliyyatda bu qrupların 43 üzvü öldürülüb, daha 6-sı isə həbs edilib