İsrail ordusunun Cenin düşərgəsinə ağır hücumu + VİDEO və FOTO
İsrail Təhlükəsizlik qüvvələri və ordusu bu gün səhər saatlarından etibarən İordan çayının qərb sahilinin şimalındakı Cenin düşərgəsinə hücum edərək, bir neçə bina və İbn Sina xəstəxanasını nəzarətə götürdükdən sonra bu düşərgədə Fələstin müqavimət qüvvələri ilə qarşıdurmaya giriblər.
Bu münaqişə nəticəsində 3 fələstinli şəhid olub, daha 7 nəfər yaralanıb, 10-dan çox insan həbs edilib. Müqavimət qüvvələri də hərbi maşınların yolunda bir neçə bomba partlatmaqla sionistlərə naməlum itkilər veriblər.
Bu münaqişədə İsrail ordusu kəşfiyyat və hücum dronlarının havadan dəstəyini alıb və bu dronlar bir hücumda bir evi hədəfə alıb, bu zaman bir fələstinli şəhid olub, bir neçə nəfər yaralanıb.
İsrail qüvvələri Cenin düşərgəsində Fələstin müqavimət qüvvələri ilə bir neçə saatlıq döyüşdən sonra bu şəhərdən geri çəkilib. İsrail qüvvələrinin itkiləri ilə bağlı təfərrüatlar açıqlanmayıb.
Düşərgənin giriş tağının dağıdılması, küçələrin asfaltının qazılması, elektrik qurğularının zədələnməsi və bu düşərgə əhalisinin mallarının məhv edilməsi sionistlərin bu geniş hücumda əldə etdiyi nailiyyətlərdən idi!
Saraya əl-Qüds Cenin batalyonu: “İşğalçıların bu gün səhər Cenin düşərgəsindəki əməliyyatının uğursuz olduğunu vurğulayırıq. Həmçinin bu genişmiqyaslı qarşıdurma zamanı təfərrüatları daha sonra açıqlanacaq bir neçə düşmən qüvvəsi öldürülüb və yaralanıb”.
Daha çox oxuyun: İsrailin Ceninə hava hücumu + FOTO və VİDEO
Rəy