Müqavimət qüvvələrinin Ət-Tənəf bölgəsindəki Amerika bazasına dron hücumu olub

“İslam Dünyası Xəbərləri” informasiya agentliyi saytının məlumatına görə, oktyabrın 28-də Suriyanın Homs əyalətində yerləşən Ət-Tənəf bölgəsindəki Amerika işğalçı ordusunun hərbi bazası müqavimət qruplarının dronlarının hücumu ilə hədəfə alınıb.

İraq İslami Müqaviməti amerikalı terrorçuların Ət-Tənəf bölgəsindəki hərbi bazasına edilən hücumun məsuliyyətini öz üzərinə götürərkən bəyanat yayaraq, bu hücumun iki dron vasitəsilə həyata keçirildiyini açıqlayıb.

İslam Dünyası Xəbərləri araşdırmasına əsasən, bu, ABŞ-ın Ət-Tənəfdəki bazasına üçüncü dron hücumu və son günlər Suriyadakı Amerika mövqelərinə edilən on birinci hücumdur.