Amerikalı siyasi işçilərin azaldılmasının kölgəsində İraqa səyahət xəbərdarlığı!

“İslam Dünyası Xəbərləri” informasiya agentliyi saytının məlumatına görə, ABŞ Dövlət Departamenti Amerika vətəndaşlarından təhlükəsizlik baxımından İraqa getməmələrini istəyib.

ABŞ öz vətəndaşlarını terror, adam oğurluğu, silahlı qarşıdurma və iğtişaşlar səbəbilə İraqa səyahət etməmək barədə xəbərdarlıq edərək, İraqdakı Amerika vətəndaşlarının təhlükəsizlik və sağlamlıqları üçün bir çox risklərlə üzləşdiyini bildirib.

Amerikanın Bağdaddakı səfirliyi də bəyanat yayaraq, Amerikanın Bağdad səfirliyi və Ərbildəki Amerika konsulluğunun vacib olmayan işçilərinin İraq ərazisini tərk etdiklərini açıqlayıb. Bildirilir ki, təhlükəsizlik səbəbilə Bağdaddakı Amerika hökumət işçilərinə Bağdad Beynəlxalq Hava Limanından istifadə etməmək əmri verilib.

Görünən odur ki, son günlər Ərbil-Bağdad, Bağdad-Küveyt və İordaniyanın paytaxtı Bağdad-Əmman və əksinə uçuş marşrutlarında Amerika qüvvələrinin daşınması məqsədi ilə Amerika təyyarələrinin çoxsaylı uçuşları olub.

Qeyd edək ki, İraqda işçilərin sayının azaldılması qərarı müqavimət qruplarının Amerikanın İraqdakı hərbi mövqelərinə müxtəlif səbəblərdən, o cümlədən işğalın davam etdirilməsi və hərbi əməliyyatların uğursuzluğu nəticəsində baş verən hücumlarından sonra verilib. Amerika qüvvələrinin ölkəni tərk etməsi, eləcə də sionist rejimin Əl-Əqsa Fırtınası döyüşündə dəstəyi ilə əlaqədar da ola bilər.

Daha çox oxuyun:
ABŞ-ın Eyn Əl-Əsəddəki mövqelərinə dron hücumu olub + FOTO
Hərir hava limanında Amerika mövqelərinə hücum olub + FOTO və VİDEO