İşğal olunmuş Fələstinin şimal sərhəd bölgələrində Hizbullah və İsrail arasında münaqişə + XƏRİTƏ və VİDEO

Müqavimət qüvvələri ilə atışma və qarşıdurmalarda İsrail ordusu Livanın cənubundakı Aitron, Əlbustan, Misra, Ramieh, Maruhin və Dhahira bölgələrinə top və yandırıcı fosfor bombaları ilə hücum edib. Bu hücumlar nəticəsində “Hizbullah”ın 4 üzvü şəhid olub. Həmçinin Beynəlxalq Qızıl Xaç Cəmiyyətinin Livandakı nümayəndəliyi İsrail ordusunun Livanın cənubunda yerləşən Ulamə əş-Şaab qəsəbəsinə artilleriya hücumları nəticəsində 4 fələstinli mülki vətəndaşın şəhid olduğunu açıqlayıb.

Sionist rejim ordusunun sərhəd bölgələrinə hücumlarına cavab olaraq Hizbullah və Fələstin müqavimət qüvvələri İsrailin mövqeləri, tankları və müdafiə vasitələrinə bir neçə idarə olunan raketlə zərbə endiriblər. Hizbullahın verdiyi məlumata görə, bu toqquşmalarda Ştola kəndində bir Merkava tank birliyi, Ramim bölgəsində İsrail hərbi forpostu, İsrail ordusuna məxsus avtomobil Matula bölgəsində (Əl-Mutla), İsrail ordusunun Kiryat Şemune bölgəsindəki mövqeləri və İsrail əsgərlərinin bölgə sərhəddində toplaşdığı Ramya və bir qrup İsrail əsgərinin Beyaz Bəlidə bölgəsi sərhəddində toplaşdığı yer idarə olunan raketlə hücuma məruz qalıb. Hizbullah iddia edir ki, Ramya sərhəddində israillilərin toplanışına hücum nəticəsində 2 nəfər mütləq ölüb, 1 nəfər yaralanıb.

Bu hücumlardan sonra İsrail işğal altındakı Fələstinin şimalında yerləşən Kiryat Şemune və Metula sərhəd bölgələrinin sakinlərindən sığınacaqlara getmələri istənilib.

İşğal olunmuş Fələstinin şimalında toqquşmalar artmaqda davam edir, İsrail qırıcıları hələ də Qəzza zolağının müxtəlif ərazilərini ağır bombardmanlarla dağıdır. Sionist mediası İsrail Hərbi Hava Qüvvələri və ABŞ ordusunun hərbi nəqliyyat təyyarələrinin sionist rejimin hava limanlarına enişini elan edib. Bu təyyarələrdən birinin yükünün minlərlə gülləkeçirməz jilet olduğu bildirilir. Bu məsələ, general Kurilanın Təl-Əvivə səfəri və Cozef Baydenin gözlənilən səfəri ilə yanaşı, İsrailin ABŞ-ın köməyi ilə Qərbi Asiya regionunda daha geniş müharibəyə hazırlaşdığını göstərir.