Qəzza zolağı ətrafındakı son hərbi vəziyyətin xəritəsi, 16 Oktyabr 2023

Döyüşlərin 10-cu günündə Qəzza zolağı ətrafında xüsusi və əhəmiyyətli quru münaqişəsi olmayıb. İsrail ordusunun quru qoşunlarının Qəzza zolağı ətrafında hərəkətləri hazırda hələ də müdafiə xarakteri daşıyır.

Bu gün Qəzza və onun ətrafında baş verən hadisələrin əksəriyyəti İsrail rejiminin Qəzza zolağının müxtəlif bölgələrini bombalaması, eləcə də Fələstin müqavimət döyüşçülərinin işğal olunmuş ərazilərdəki yaşayış məntəqələrinə raket hücumları ilə bağlıdır.

Bu gün fələstinli müqavimət döyüşçüləri yüzlərlə raketlə Qəzza zolağı ətrafındakı işğal olunmuş ərazilərlə yanaşı, Təl-Əviv və Hayfa kimi uzaq əraziləri də hədəfə alıb. Qeyd edək ki, Təl-Əvivə raket zərbələri endirilməsi və İsrail Knessetinin binası yaxınlığında bir neçə raketin müşahidəsi və ələ keçirilməsi nəticəsində İsrail nümayəndələrinin iclası dayandırılıb.

Digər tərəfdən, İsrail rejiminin Qəzzanın müxtəlif bölgələrini vəhşicəsinə bombalaması davam edir. Fələstin Səhiyyə Nazirliyinin Qəzza zolağında verdiyi son statistik məlumatlara görə, Qəzzada şəhid olanların sayı 2778 nəfərə, yaralıların sayı isə 10 mindən çox olub.

İsrail ordusu son döyüşlərdə həlak olan bu rejimin daha 8 əsgərinin də adını açıqlayıb. Belə ki, İsrail ordusunun yaydığı məlumata görə, Qəzzada müharibə başlayandan bu yana bu rejimin “hərbi” ölənlərinin sayı 299 nəfərə çatıb.

Şimal cəbhəsində Livanın bütün sərhəd xəttlərində gərginlik və artilleriya toqquşmaları və hava hücumları davam edir. Döyüşlərin 10-cu günündə İsrail ordusu bir neçə dəfə Livan sərhədinin şimalındakı Hizbullah mövqelərini hədəfə alıb. Hizbullah qüvvələri də bir neçə dəfə işğal altındakı Fələstinin şimalında İsrail qüvvələrinin mövqelərini hədəfə alıb. Həmçinin, Əl-Zahirə bölgəsində İsrail rejiminə məxsus Merkava tankı tank əleyhinə raketlə vurulub.

Siyasi səhnədə ABŞ dövlət katibi Entoni Blinken son bir neçə gündə ikinci dəfə İsrailə səfər edərək Netanyahu və bu rejimin rəsmiləri ilə görüşüb söhbət edib. Qeyd edək ki, Entoni Blinken bir neçə gün əvvəl sionist rəsmilərlə görüşlərin birinci mərhələsindən sonra İordaniya, Qətər və Səudiyyə Ərəbistanına səfər edib və regionda baş verən son hadisələrlə bağlı adı çəkilən ölkələrin yüksək rütbəli rəsmiləri ilə məsləhətləşib.

Bu günün digər mühüm məqamları arasında Amerikanın Qəzza müharibəsində daha böyük rolu ilə bağlı Wall Street Journal-ın hesabatını qeyd etmək olar. Wall Street Journal ABŞ Müdafiə Nazirliyinin rəsmilərinin Qəzza zolağında İsrailin hər hansı quru əməliyyatlarına dəstək vermək üçün 2000 əsgər ayırdığını açıqlayıb.

Görünür, Amerika bölgəni hazırlayır və bəzi ölkələrin başçıları ilə koordinasiya edir ki, İsrail rejiminə quru əməliyyatlarına və Qəzzaya kütləvi işğala başlamağa kömək etsin.

Daha ətraflı: Qəzza zolağı ətrafındakı son hərbi vəziyyətin xəritəsi, 15 Oktyabr 2023